17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Ստոլտենբերգը հայտնել է, որ ՆԱՏՕ-ին Ֆինլանդիայի և Շվեդիայի անդամակցելու գործընթացն աննախադեպ արագությամբ է ընթանում
Քաղաքականություն
29.06.2022 | 16:13
ՆԱՏՕ-ին Ֆինլանդիայի և Շվեդիայի անդամակցության գործընթացն աննախադեպ արագությամբ է ընթանում, սակայն անդամակցության ժամկետը կախված կլինի միայն երկրների կողմից անդամակցության արձանագրության վավերացումից։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Մադրիդում անցկացվող գագաթնաժողովին ժամանելուն պես, գրում է ՏԱՍՍ-ը։
«Առաջնորդները պատմական որոշում կկայացնեն՝ հրավիրելով Ֆինլանդիային և Շվեդիային դառնալ ՆԱՏՕ-ի անդամ՝ Շվեդիայի, Ֆինլանդիայի և Թուրքիայի միջև համաձայնության հիման վրա: Առաջնորդները հրավեր կուղարկեն այս երկրներին գագաթնաժողովի ժամանակ, ինչը նշանակում է, որ դիմումի և հրավերի միջև ընդամենը մի քանի շաբաթ է անցել։ Սա աննախադեպ արագ է։ Հրավերից հետո տեղի կունենա անդամ բոլոր 30 երկրների խորհրդարանների կողմից վավերացման գործընթացը, որը որոշակի ժամանակ կպահանջի»,- ասել է Ստոլտենբերգը։
Հավելենք, որ նախօրեին Թուրքիան հանել է իր վետոն ՆԱՏՕ-ին Շվեդիայի ու Ֆինլանդիայի անդամակցության հարցում։ Երեք երկրների միջև հուշագիր է ստորագրվել։
Էմմա Չոբանյան
