17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Վլադիկավկազ-Լարս բնակավայրում տրանսպորտային միջոցների տեղաշարժն արգելվել է
Քաղաքականություն
28.06.2022 | 13:58
Վլադիկավկազ-Լարս բնակավայրում տրանսպորտային միջոցների տեղաշարժն արգելվել է։ Սա պայմանավորված է ճանապարհի այս հատվածում մեքենաների անվտանգությունն ապահովելու անհնարինությամբ, հաղորդում է ՌԴ ԱԻՆ Հյուսիսային Օսիա-Ալանիայի Հանրապետության գլխավոր վարչությունը, փոխանցում է ՏԱՍՍ-ը։
«Ռուսաստանի ԱԻՆ Հյուսիսային Օսիա-Ալանիայի Հանրապետության գլխավոր տնօրինությունը խստորեն խորհուրդ է տալիս երթևեկության մասնակիցներին պլանավորել իրենց տեղաշարժը ներկայիս իրավիճակին համապատասխան»,- նշել են մասնագետները։
Հաղորդվում է, որ հունիսի 28-ին ժամը 01:30-ից Վրաստանի ռազմական մայրուղով ճանապարհորդությունը փակ է՝ մինչև հետագա ծանուցումը։
Հունիսի 26-ին Վրաստանի ռազմական մայրուղու երկայնքով երթևեկությունն արգելվել էր Վրաստանում եղանակային պայմանների վատթարացման, մեքենաների անվտանգ երթևեկությունն ապահովելու անհնարինության, ինչպես նաև Վրաստանի սահմանապահ ոստիկանության առաջարկությունը հաշվի առնելով։ Հետագայում այս հատվածը բացվել է բոլոր տեսակի տրանսպորտային միջոցների համար։ Սակայն պարզվել է, որ ճանապարհահատվածը դեռևս վտանգավոր է երթևեկության համար։
Տաթև Ֆռանգյան
