17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Յակուտիայում արտակարգ դրություն է սահմանվել անտառային հրդեհների պատճառով
Քաղաքականություն
28.06.2022 | 15:19
Յակուտիայում անտառային հրդեհների պատճառով տարածաշրջանային մասշտաբի արտակարգ դրություն է մտցվել։ Համապատասխան հրամանագիրը հունիսի 28-ին ստորագրել է հանրապետության ղեկավար Այսեն Նիկոլաևը, գրում է DW-ի ռուսական ծառայությունը։
Արտակարգ իրավիճակների նախարարության տվյալներով՝ վերջին մեկ օրվա ընթացքում Յակուտիայի անտառներում հրդեհների թիվը փաստացի կրկնապատկվել է։ Մարզում գրանցվել է 60 բնական հրդեհ։ Հրդեհված տարածքների ընդհանուր մակերեսը գերազանցում է 55,5 հազար հեկտարը։ Հրդեհների մարման աշխատանքներում ներգրավված է 772 մարդ, 35 միավոր տեխնիկա։
Այս տարվա առաջին բնական հրդեհները Յակուտիայի տարածքում գրանցվել են մայիսի կեսերին, հաղորդում է «Ինտերֆաքս» գործակալությունը։ 2021 թվականին հանրապետությունում սեզոնի սկզբից գրանցված բոլոր հրդեհների տարածքը գերազանցել է վերջին տասը տարվա ռեկորդային ցուցանիշը՝ հասնելով գրեթե 8,5 մլն հեկտարի։ Այս տարի, ըստ եղանակային կանխատեսումների, մարզում կրկին թեժ ամառ է սպասվում։
Տաթև Ֆռանգյան
