Քաղաքականություն
28.06.2022 | 12:29
Տեխաս նահանգի Սան Անտոնիո քաղաքի արվարձանում լքված բեռնատարի կցորդիչում մահացած են գտել առնվազն 46 մարդու, որոնք ենթադրաբար միգրանտներ են: Հրշեջ ծառայության ներկայացուցիչը հայտնել է, որ 16 մարդ, այդ թվում՝ չորս երեխա, տեղափոխվել է հիվանդանոց, փոխանցում է BBC-ի ռուսական ծառայությունը:
Փրկվածների մոտ ախտորոշվել է ջերմային հարված և երկարատև գերտաքացում: Սան Անտոնիոն, որը գտնվում է ԱՄՆ-Մեքսիկա սահմանից 250 կմ հեռավորության վրա, մաքսանենգների համար տարանցիկ երթուղու հիմնական կետերից մեկն է:
Սան Անտոնիոյի հրշեջ ծառայության ղեկավար Չարլզ Հուդն ասել է, որ բեռնատարում աշխատող օդորակիչ չի եղել, կցորդիչում փակվածները զրկված են եղել նաև խմելու ջրից։
Տաթև Ֆռանգյան
