09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վրաստանը թույլ չի տա Բաթում հասած ռուսական նավթը երկիր մուտք գործի
Քաղաքականություն
27.06.2022 | 15:18
Վրաստանի իշխանությունները հայտարարել են, որ թույլ չեն տա երկիր մուտք գործի Բաթում հասած ռուսական նավթը, որը գրանցված է մի ընկերության վրա, որը հայտնվել է արեւմտյան պատժամիջոցների տակ: ՏԱՍՍ-ի փոխանցմամբ՝ այս մասին երկուշաբթի կառավարության նիստից հետո կայացած ճեպազրույցում հայտարարել է Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։
«Այո, իսկապես այսօր Բաթումի նավահանգստում նավ է գտնվում՝ նավթի բեռով, որը գրանցված է պատժամիջոցների տակ հայտնված մի ընկերության անվամբ։ Սա փաստ է։ Մենք արդեն ուսումնասիրել ենք փաստաթղթերը։ Վրաստանում դեռևս պատժամիջոցների շրջանցման որևէ դեպք չի գրանցվել։ Այդպես կլինի նաև այս դեպքում»,- ասել է Դավիթաշվիլին։
Վրացական ընդդիմադիր Mtavari Arxi հեռուստաալիքը կիրակի հայտնել էր, որ Բաթումի նավահանգստում թուրքական դրոշով բեռնատար լցանավ կա, որը բեռնված է ռուսական ընկերությանը պատկանող մինչև 30 հազար տոննա նավթով։
Տաթև Ֆռանգյան
