19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Վաղարշակ Հարությունյանը հանդիպել է Դաշնային խորհրդի փոխնախագահ Յուրի Վորոբյովի հետ
Քաղաքականություն
25.06.2022 | 13:54
Ռուսաստանում Հայաստանի Հանրապետության արտակարգ և լիազոր դեսպան Վաղարշակ Հարությունյանը հունիսի 24-ին հանդիպում է ունեցել Ռուսաստանի Դաշնության Դաշնային ժողովի Դաշնության խորհրդի նախագահի տեղակալ Յուրի Վորոբյովի հետ. հայտնում են ՌԴ-ում ՀՀ դեսպանությունը:
Հանդիպման ընթացքում քննարկվել են Հայաստանի և Ռուսաստանի միջև համագործակցության, միջխորհրդարանական փոխգործակցության ամրապնդման, ինչպես նաև՝ Հայաստանի և Ռուսաստանի շրջանների միջև կապերի զարգացման հետ կապված հարցեր:
Կողմերն ընդգծել են միջխորհրդարանական հանձնաժողովի՝ հայ-ռուսական ռազմավարական հարաբերությունների ամրապնդմանն ուղղված ակտիվ աշխատանքի շարունակման կարևորությունը:
Նշվել է, որ ՀՀ Ազգային ժողովի և ՌԴ Դաշնային ժողովի համագործակցության միջխորհրդարանական հանձնաժողովի հաջորդ նիստը նախատեսվում է անցկացնել ընթացիկ տարվա հուլիսին Կրասնոյարսկ քաղաքում:
