26.03.2026 | 11:59
ԱՄՆ-ը Կիևից պահանջում է դուրս գալ Դոնբասից՝ անվտանգության երաշխիքներ ստանալու համար․ Զելենսկի
Թուրքիան աշխատանքից հեռացրել է 1000 ոստիկանի՝ ահաբեկչական կազմակերպությունների հետ ենթադրյալ կապերի պատճառով
Քաղաքականություն
24.06.2022 | 23:30
Թուրքիայի անվտանգության գլխավոր վարչությունը աշխատանքից ազատել կամ չեղարկել է 1000 ակտիվ կամ պաշտոնաթող ոստիկանների նպաստները՝ ահաբեկչական կազմակերպությունների հետ նրանց ենթադրյալ կապերի պատճառով, գրում են թուրքական լրատվամիջոցները։
Սպաների մեծ մասը աշխատանքից հեռացված գործող ոստիկաններ են Անկարայից ու Ստամբուլից, այդ թվում` նախկին և ներկա ոստիկաններ, որոնք ճաղերի հետևում են ահաբեկչության մեղադրանքով:
Հավելենք, որ 2016 թվականի հուլիսի 15-ի հեղաշրջման փորձից հինգ օր անց Թուրքիայի իշխող «Արդարություն և զարգացում» կուսակցությունը (ԱԶԿ) արտակարգ դրություն հայտարարեց և հրամանագրեր արձակեց, որոնց համաձայն շուրջ 80,000 մարդ բանտարկվեց, իսկ ավելի քան 150,000-ը հեռացվեց պետական աշխատանքից։ Նրանք մեղադրվում են Գյուլենական շարժման անդամ լինելու մեջ։
Սպաների պաշտոնանկությունների վերջին փուլը հիմնված էր թիվ 375 հրամանագրի 35-րդ հոդվածի վրա, որը հրապարակվել էր 2016 թվականի հուլիսի հեղաշրջման փորձից հետո երկու տարի տևած արտակարգ դրությունից հետո։
Նշվում է, որ հոդվածի ժամկետը լրանում է հուլիսի 31-ին։
Ներքին գործերի նախարար Սուլեյման Սոյլուի կողմից ստորագրված նպաստների վերջին չեղարկման թիրախում գտնվող մեծ թվով անձինք հեռացվել են ոստիկանությունից 2013 թվականի վերջին կոռուպցիոն հետաքննությունից հետո, որում ներգրավված է եղել նախագահ Ռեջեփ Թայիփ Էրդողանի մերձավոր շրջապատը։
Լրատվամիջոցները հայտնում են, որ պաշտոնանկ արված սպաների նկատմամբ դատական գործերը շարունակվում են։
Էմմա Չոբանյան
