06.11.2024 | 14:29
Մեկը կար պետությունից գումար էր վերցրել, սարքավորումներ ձեռք բերել, հետո՝ վաճառել․ Գևորգ Պապոյան․ ՏԵՍԱՆՅՈՒԹ
Լավրովն ասել է, որ Ուկրաինային և Մոլդովային ԵՄ անդամության թեկնածուի կարգավիճակ տալը ռիսկեր չի ստեղծում ՌԴ-ի համար
Քաղաքականություն
24.06.2022 | 17:22
Ռուսաստանն իր համար ռիսկեր չի տեսնում նրանում, որ Ուկրաինան և Մոլդովան Եվրամիության անդամության թեկնածու երկրի կարգավիճակ են ստացել։ Այս մասին Բաքվում կայացած մամուլի ասուլիսում հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Մեր դիրքորոշումը միշտ բխել է նրանից, որ Եվրամիությունը ռազմաքաղաքական դաշինք չէ՝ ի տարբերություն Հյուսիսատլանտյան դաշինքի։ Նրա հարաբերությունների զարգացումը ցանկացած երկրների հետ, որոնք դա ցանկանում են, մեզ համար որևէ սպառնալիք և ռիսկ չի ստեղծում։ Իհարկե, մենք իրատեսորեն կնայենք Եվրամիության պահվածքին և կհետևենք այն իրական քայլերին, որոնք նա անում է, և թե ինչպես են գործում թեկնածու երկրները»,- ասել է Լավրովը։
Հավելենք, որ ԵՄ անդամ երկրների և կառավարությունների ղեկավարները նախօրեին Բրյուսելում կայացած գագաթնաժողովում հավանություն են տվել Ուկրաինային և Մոլդովային ԵՄ անդամության թեկնածուի կարգավիճակ տալուն։
Էմմա Չոբանյան
