08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
Գերմանիայի իշխանությունները քննարկում են «Հյուսիսային հոսք 2»-ի մի հատվածի ազգայնացման հարցը․ Spiegel
Քաղաքականություն
24.06.2022 | 22:06
Գերմանիայի իշխանությունները դիտարկում են «Հյուսիսային հոսք 2» գազատարի այն հատվածի ազգայնացման հնարավորությունը, որն անցնում է երկրով, գրում է Spiegel-ը։
Այժմ Գերմանիայի էկոնոմիկայի նախարարությունն ուսումնասիրում է այս հարցը։ Ազգայնացման դեպքում գազատարի այն հատվածը, որը գտնվում է ներքին գերմանական ջրերում, կարող է անջատվել մնացածից և միացվել լողացող Հեղուկացված բնական գազի տերմինալին։ Այս հատվածն արդեն ներառված է երկրի գազատրանսպորտային համակարգում, դրա միջոցով հնարավոր կլինի գազ մատակարարել Գերմանիայի հարավային հատվածին։
Այս տարբերակն ունի թերություններ, ընդգծում է պարբերականը՝ փոփոխությունների հաստատումը կարող է երկար տևել, կան նաև իրավական դժվարություններ և բնապահպանական ռիսկեր։ Բացի այդ, իշխանությունները մտավախություն ունեն, որ ի պատասխան` Ռուսաստանում տեղակայված գերմանական ընկերությունները կարող են ընկնել ազգայնացման տակ։
Ռուսաստանի նախագահի մամուլի քարտուղար Դմիտրի Պեսկովը հրաժարվել է մեկնաբանել հրապարակումը պաշտոնական հայտարարությունների և կոնկրետ գործողությունների բացակայության պատճառով։
Այն բանից հետո, երբ Ռուսաստանը ճանաչեց Լուգանսկի ու Դոնեցկի ինքնահռչակ հանրապետությունների անկախությունը, Գերմանիայի իշխանությունները դադարեցրին «Հյուսիսային հոսք 2»-ի հավաստագրումը:
Տաթև Ֆռանգյան
