09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գերմանիայում COVID-19-ի դեպքերի կտրուկ աճի մտավախություն ունեն
Քաղաքականություն
24.06.2022 | 14:34
Բեռլինի Չարիտե համալսարանական հիվանդանոցի վիրուսաբանության ամբիոնի վարիչ Քրիստիան Դրոստենը կանխատեսում է ամառային արձակուրդներից հետո Գերմանիայում կորոնավիրուսով վարակվելու դեպքերի թվի աճ, գրում է DW-ի ռուսական ծառայությունը։
«Հուսով եմ, որ դպրոցական արձակուրդները որոշակիորեն կդանդաղեցնեն դեպքերի աճը: Բայց ես վախենում եմ, որ սեպտեմբերից մենք կունենանք շատ մեծ թվով վարակվածներ»,- նման մտահոգություն է հայտնել Գերմանիայի գլխավոր վիրուսաբանը:
Նա նշել է, որ եթե ոչ մի քայլ չձեռնարկվի, ապա գերմանական ընկերություններում հիվանդության պատճառով աշխատակիցների բացակայությունների բազմաթիվ դեպքեր կլինեն։
«Մենք արդեն տեսնում ենք նոր դեպքերի թվի աճ», – նախազգուշացրել է Դրոստենը:
Մասնագետը հիշեցրել է, որ օմիկրոնի տարբերակը՝ BA.5 ենթատեսակը, խիստ վարակիչ է, միևնույն ժամանակ, մարդիկ կորցնում են վերջին պատվաստման արդյունքում ձեռք բերած իմունիտետը։
«Ընդհանուր առմամբ, սակայն, շատ ավելի քիչ հիվանդներ կմահանան, քան 2021 թվականին»,- կարծում է բժիշկը։
Նա ասել է, որ չի հավատում, որ մինչև տարեվերջ մարդկանց մոտ այնպիսի տպավորություն կստեղծվի, որ համաճարակն ավարտվել է։
Տաթև Ֆռանգյան
