17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Ալիևը բողոքել է Լավրովին, որ Հայաստանը չի արձագանքում «խաղաղության պայմանագիր կնքելու Բաքվի առաջարկին»
Քաղաքականություն
24.06.2022 | 12:47
Պաշտոնական Երևանը դեռ չի արձագանքել խաղաղության համաձայնագիր ստորագրելու՝ Բաքվի առաջարկին, այսպիսի հայտարարություն է արել Ադրբեջանի նախագահ Իլհամ Ալիևիը ՌԴ ԱԳ նախարար Սերգեյ Լավրովի հետ հանդիպմանը, գրում են ադրբեջանական լրատվամիջոցները։
«Համոզված եմ, որ որ մեր ջանքերը դրականորեն կընդունվեն Հայաստանի կողմից, և երկարաժամկետ դիմակայությանը վերջ կդրվի։ Խաղաղության համաձայնագրի վրա աշխատանք սկսելու մեր առաջարկը մնում է անպատասխան, բայց մենք դեռ հույս ունենք, որ այդ առաջարկը դրականորեն կընդունվի»,-ասել է Ալիևը։
Նա նշել է, որ Ադրբեջանի դիրքորոշումն, իբր, ուղղված է Հարավային Կովկասում երկարատև խաղաղության հաստատմանը ու հույս հայտնել, որ Մոսկվայի ակտիվ գործողությունները ևս կնպաստեն խաղաղությանը։
«Կարծում եմ, որ մեր հայեցակարգի շրջանակներում հնարավոր կլինի շատ գործնական քայլեր անել իրավիճակն ամբողջությամբ կարգավորելու համար։ Իհարկե, մենք հույս ունենք ՌԴ ակտիվ ջանքերի վրա՝ Կովկասում կայուն խաղաղություն հաստատելու համար»,- ասել է Ադրբեջանի նախագահը։
Էմմա Չոբանյան
