Նախագիծ․ առաջարկվում է 2026 թվականից դասարաններում սովորողների առավելագույն թիվ սահմանել 20-25-ը, կարգավորումն ուժի մեջ կմտնի նոր չափորոշչի ներդրմանը զուգահեռ

Լուրեր

06.05.2024 | 12:45
Ինչ ասել եմ, ճիշտ եմ ասել. Սիմոնյանը՝ Մոսկվայի վերաբերյալ արած հայտարարության մասին․ ՏԵՍԱՆՅՈՒԹ
06.05.2024 | 12:42
2018-ից մեր կողմից այնքան ատելության խոսք չի հնչել, որքան ձեր կողմից․ Լիլիթ Ստեփանյան․ ՏԵՍԱՆՅՈՒԹ
06.05.2024 | 12:34
ՄԱԿ-ի գլխավոր քարտուղարի օգնականն այցելել է Գեղարքունիք և Տավուշ
06.05.2024 | 12:24
Կիրանցում ականի պայթյունից վիրավոր կա, Միրզոյանը և Բայրամովը կհանդիպեն Ալմաթիում․ ԼՈՒՐԵՐ
06.05.2024 | 12:22
Նիկոլ Փաշինյանը չի մասնակցելու Պուտինի երդմնակալությանը. Ալեն Սիմոնյան․ ՏԵՍԱՆՅՈՒԹ
06.05.2024 | 12:21
Երևանի կենդանաբանական այգին տնօրենի նոր պաշտոնակատար ունի
06.05.2024 | 12:16
Վարչապետ Փաշինյանը վաղը՝ մայիսի 7-ին, մամուլի ասուլիս կտա
06.05.2024 | 12:13
Ուկրաինան հայտնել է գիշերն արձակված 13 ԱԹՍ-ներից 12-ը խոցելու մասին
06.05.2024 | 12:07
Մեկնարկել է Արարատ Միրզոյանի պաշտոնական այցը Բուդապեշտ․ ընթանում է ընդլայնված կազմով հանդիպումը
06.05.2024 | 12:07
Ուրեմն մենք էլ ամենաչոր ձևով պիտի մոտենանք հարցին, խաղուպար չի․ Ավինյանը՝ վթարային շենքերի մասին․ ՏԵՍԱՆՅՈՒԹ
06.05.2024 | 12:02
Ալեն Սիմոնյանի ճեպազրույցը՝ ՈՒՂԻՂ
06.05.2024 | 11:55
Բացի փոշեկլանիչ ցանցերից, ստուգեք նաև օդի աղտոտվածությունը չափող սարքերը․ Ավինյանը հանձնարարական տվեց․ ՏԵՍԱՆՅՈՒԹ
06.05.2024 | 11:48
Կունենանք ամբողջական միասնական տոմսային համակարգ, կանգառասրահներ ու չվացուցակ․ քաղաքապետ․ ՏԵՍԱՆՅՈՒԹ
06.05.2024 | 11:43
Փաշինյանը թշնամուն է փոխանցում ռազմական գաղտնիք համարվող ականապատ դաշտերի քարտեզը․ Գալստյան․ ՏԵՍԱՆՅՈՒԹ
06.05.2024 | 11:41
«Վայ, վայ, վայ․․. պարո՛ն Առուստամյան, շատ դժգոհ եմ, աննկարագրելի». Ավինյանը՝ ճաքալցման մասին․ ՏԵՍԱՆՅՈՒԹ
Բոլորը

ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել հանրակրթական դպրոցների դասարանների կազմավորման կարգի նախագիծը․ տեղեկացնում են ՀՀ ԿԳՄՍՆ-ից։

«Դասարանների կազմավորման համար նախատեսվում է պարտադիր դարձնել տարրական և միջին մակարդակում առավելագույնը 25 և ավագ մակարդակում՝ առավելագույնը 20 սովորող ունենալը։ Նոր նախագծով ամրագրված այս կարգավորումն իրականություն է դառնալու հանրակրթության նոր չափորոշչի ներդրմանը զուգընթաց։ Նշված դրույթն ամբողջությամբ ուժի մեջ կմտնի 2026 թ. սեպտեմբերից՝ հաշվի առնելով ՀՀ-ում նոր չափորոշիչն ամբողջությամբ ներդնելու, ինչպես նաև կիրարկումն ապահովելու համար նախանշված ժամկետները: Մինչ այդ առաջիկա մի քանի տարիները կօգտագործվեն դպրոցների ֆիզիկական ենթակառուցվածքների, ուսուցիչների թվի հետ կապված հարցերը վերլուծելու և ըստ առանձին դպրոցների՝ իրավիճակային կարգավորումները պլանավորելու համար։

Նշենք, որ գործող կարգով ուսումնական հաստատություններում սովորողների առավելագույն քանակը սահմանված է 35։ Լինում են դեպքեր, երբ այդ նորմերը չեն պահպանվում, և աշակերտների թիվը դասարանում 35 սովորողից գերազանցվում է։ Տարիներ շարունակ ուսումնական գործընթացի պատասխանատուները, նաև սովորողների ծնողները դժգոհություն են հայտնել այն արդարացի հիմնավորմամբ, որ գերհագեցած դասարանում կրթության որակ ապահովելն անհնար է։

Ներկայացվող կարգավորումները պայմանավորված են դասարանների կոմպլեկտավորման սկզբունքները ՀՀ առողջապահության և քաղաքաշինության նորմերին համապատասխանեցնելու, ինչպես նաև փոքրաթիվ համակազմ ունեցող դպրոցներում արդյունավետ և որակյալ կրթություն կազմակերպելու անհրաժեշտությամբ:

Նոր չափորոշչի ամբողջական ներդրմանը զուգընթաց՝ կկարգավորվի նաև բազմահամակազմ դասարանների խնդիրը։ Մասնավորապես, ըստ նախատեսվող կարգավորման՝ բազմահամակազմության սկզբունքն օգտագործելի է միայն արհեստ, արվեստ և ֆիզիկական կրթություն և անվտանգ կենսագործունեություն բնագավառների համար։ Մյուս բնագավառների և առարկաների դեպքերում կգործի առանձնացված ուսուցման սկզբունքը։ Այսինքն` հիմնական նպատակներից մեկը բազմահամակազմ դասարանների պրակտիկայից առավելագույնս հրաժարվելն է:

Հաշվի առնելով, որ բազմահամակազմ դասարաններում դասավանդող ուսուցչի համար առկա են մի շարք դժվարություններ և լրացուցիչ աշխատանք իրականացնելու անհրաժեշտություն՝ առաջարկվում է նաև երկհամակազմ և եռահամակազմ դասարաններում դասավանդող ուսուցիչներին համապատասխանաբար տրամադրել նվազագույն դրույքաչափի 50 տոկոսի և 75 տոկոսի չափով հավելավճար՝ վերջիններիս վարձատրության բարելավման նպատակով։ Այս մոտեցումը ուսուցիչների համար խթան կհանդիսանա ոչ միայն դասավանդման որակի, այլև դպրոց մուտք գործելու հիմքեր ստեղծելու առումով։

Նոր նախագծով քառահամակազմ ուսուցում չի նախատեսվում։ Այս մոտեցումը նախատեսվում է փորձարկել Սյունիքի մարզում՝ կրթական որակյալ ծառայությունների կազմակերպման ծրագրի շրջանակում։

Հանրակրթության նոր չափորոշչի պահանջը սովորողների կոմպետենցիաների վրա հիմնված կրթության մատուցումն է, որը պետք է սկսել ուսումնառության սկզբից և հատկապես զարգացնել ավագ դպրոցում՝ հոսքային ուսուցման միջոցով։ Նշված ուսուցման հիմքում դրված է սովորողի նախասիրություններն ու մասնագիտական կողմնորոշումը զարգացնելու կարևորությունը։ Ավագ դպրոցներում և միջնակարգ դպրոցների ավագ դասարաններում հնարավոր է դառնում սովորողի նախընտրությամբ դասացուցակի ձևավորումը, որի արդյունքում հնարավոր կդառնա նաև ձևավորել ուսումնական մեկ խումբ՝ անկախ սովորողների թվից։ Սրանով միջնակարգ դպրոցները հնարավորություն են ստանում իրականացնելու երեխաների անհատական մասնագիտական կողմնորոշմանը նպաստող ուսուցում։ Այս մոտեցումը 2021-22 ուսումնական տարում փորձարկվել է Տավուշի մարզում՝ նոր չափորոշչի ներդրման շրջանակում։

Քաղաքացիները և շահառու խմբերը մինչև հուլիսի 2-ը կարող են նախագծի վերաբերյալ իրենց առաջարկություններն ու դիտողությունները ներկայացնել իրավական ակտերի նախագծերի հրապարակման միասնական կայքում»,- ասված է հաղորդագրությունում։