19.04.2026 | 19:07
Վիզաների ազատականացումը ժողովրդավարական ինստիտուտների ամրապնդման գործընթաց է․ ՆԳ նախարար
44-օրյա պատերազմի քննիչ հանձնաժողովը արդյունավետ չի կարող կատարել իր գործառույթը․ Արմինե Մարգարյան․ ՏԵՍԱՆՅՈՒԹ
Քաղաքականություն
23.06.2022 | 13:36
«44-օրյա պատերազմի հանգամանքներն ուսումնասիրող քննիչ հանձնաժողովը արդյունավետ չի կարող կատարել իր գործառույթ»,- ՀՔԱՎ-ը կազմակերպած «Զինված ուժերի բարեփոխումների վերաբերյալ կանաչ թուղթ» աշխատության քննարկման ժամանակ այս տեսակետը հատնեց ռազմաքաղաքական հարցերով փորձագետ Արմինե Մարգարյանը։
Նրա դիտարկմամբ՝ քննիչ հանձնաժողովը կարող էր առավելապես արդյունավետ գործել, եթե խորհրդարանական ընդդիմության ներկայացուցիչներ ներգրավված լինեին:
«Երբ հանձնաժողովին բանավոր հացումներ են արվում խորհրդարանի ներկայացուցիչների կողմից, հանրությունը տեղեկանում է, բայց երբ գրավոր հարցադրումներ են կատարվում, միայն առանձին պատգամավորների սոցիալական էջերի միջոցով կարող ենք տեղեկանալ, թե ինչ հարցադրում է արվել. սա խնդիր է, անհրաժեշտ է ինստիտուցիոնալ ձևաչափ, այսինքն՝ ԱԺ կայքում ամսական կամ եռամսյակային կտրվածքով պետք է ցուց տրվեն բոլոր հարցադրումները, որպեսզի հանրությունը հնարավորություն ունենա իմանալու, թե ինչու և ինչ խնդիրների վրա են պատգամավորները հրավիրել հանձնաժողովի ուշադրությունը»,- ասաց Մարգարյանը:
Նշենք, որ քննարկմանը հրավիրված են պետական մարմինների ներկայացուցիչներ, պատգամավորներ, անվտանգության և ռազմական փորձագետներ, հասարակական կազմակերպությունների ներկայացուցիչներ:
Մանրամասները՝ տեսանյութում:
