Բաց քվեարկությունը բացառեց քաղաքական առևտուրը, հիմա ուզում եք նորից գաղտնի դարձնել․ Իոաննիսյանը՝ Հովակիմյանին․ ՏԵՍԱՆՅՈՒԹ

ԱԺ պետական-իրավական հարցերի մշտական հանձնաժողովը հրավիրել է խորհրդարանական լսումներ՝ քննարկելու ««ՀՀ ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» և հարակից օրենքների նախագծերի փաթեթը։

«Քաղաքացիական պայմանագիր» խմբակցության պատգամավորների առաջարկած նախագծերի փաթեթով նախատեսվող փոփոխությունները ներկայացրեց համահեղինակ Վահագն Հովակիմյանը:

Անդրադառնալով համայնքի ղեկավարի ընտրության կարգին՝ «Իրազեկ քաղաքացիների միավորում» ՀԿ համակարգող Դանիել Իոաննիսյանը նշեց. «Դուք սահմանել եք, որ այն պետք է իրականացվի փակ գաղտնի քվեարկությամբ: Մինչև ԸՕ-ի անցյալ տարվա փոփոխությունները, համայքնի ղեկավարի ընտրությունը եղել է փակ գաղտնի քվեարկությամբ, հետո դարձավ փակ քվեարկությամբ: Նախկինում, երբ փակ գաղտնի քվեարկությամբ էր ընտրություն իրականացվում, մենք տեսնում էինք, թե ինչպես է տեղի ունենում քաղաքական առևտուր»:

«Երբ որ բաց քվերակությամբ էր տեղի ունենում համայնքի ղեկավարի ընտրությունը, իշխանությունը փորձում էր այն համայնքներում, որտեղ ընդդիմությունը հաղթել էր, ճնշում գործադրել, «առնել» ընդդիմադիրներին, որպեսզի նրանք քվեարկեն իշխանության օգտին: Շատ ընդդիմադիրներ ՔՊ-ի օգտին չքվեարկեցին, քանի որ ընտրությունը բաց էր… Այսինքն՝ բաց քվեարկությունը բացառեց քաղաքական առևտուրը, հիմա ուզում եք նորից գաղտնի դարձնել, և դրա հետ կապված որևէ հիմնավորում չկա նախագծում»,- դիմելով Վահագն Հովակիմյանին՝ նշեց Իոաննիսյանը՝ հետաքրքրվելով, թե որն է այդ նախաձեռնութան պատճառը:

Մանրամասները՝ տեսանյութում: