Տնտեսություն
23.06.2022 | 12:41Համայնքներում ճանապարհների կառուցմանը զուգահեռ պետք է բարձր մակարդակի վրա դրվեն դրանց սպասարկման աշխատանքները: Կառավարության նիստում սուբվենցիոն ծրագրերի իրականացման գործընթացի բարելավման հարցը քննարկելու ժամանակ այս մասին նշեց ՀՀ վարչապետ Նիկոլ Փաշինյանը:
«Փողոցը պետք է լինի մաքուր` անկախ նրանից, դա գյուղում է, թե քաղաքում: Մենք հիմա միլիոններ ենք ծախսում, փողոց ենք կառուցում և դա շարունակելու ենք, սակայն մյուս կողմից էլ անձրև է գալիս, քամին է ինչ-որ բան բերում, և դա պետք է մաքրել: Եթե չանենք, ապա վեց ամսից հետո, մեկ տարի հետո այդ լավ արված ասֆալտի վրա 10 սմ ցեխ է առաջանալու: Համայնքների հետ պետք է աշխատել այդ խնդիրը լուծելու համար»,- նշեց վարչապետը՝ հավելելով՝ նույնիսկ եթե համայնքում ընդամենը մեկ փողոց է ասֆալտապատված, միևնույն է, այն պետք է մաքրվի և պատշաճ սպասարկվի:
Անդրադառնալով փողոցները մաքուր պահելու համար համայնքներում մեխանիզմներ ստեղծելուն՝ վարչապետը նշեց. «Մարդիկ կասեն՝ էս ինչի՞ց են խոսում, հլը նայեք՝ մեր երկիրն ինչ մարտահրավերների առաջ է կանգնած, եկել են բորդյուրի տակ հավաքված ցեխն են քննարկում, բայց ես կարծում եմ, որ այդ բևեռները գենետիկ կապ ունեն: Որովհետև դա ընդհանուր հայացք ու մտածելակերպ է: Էն պրոբլեմները, որ մենք ունեցել ենք և ունենք, ես այդ պրոբլեմների արմատը տեսնում եմ 30 տարի ցեխի մեջ կորած փողոցների մեջ: Մեզ համար նորմալ է եղել, որ գյուղ տեղ է, ի՞նչ պարտադիր է, որ կանայք կաբլուկով կոշիկ հագնեն, թող «սապոկով» գնան-գան»,- հայտարարեց Փաշինյանը:
Մանրամասները՝ տեսանյութում:
