10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Ռոստովի մարզում հրդեհվել է ՌԴ հարավի խոշորագույն նավթավերամշակման գործարանը․ ականատեսները նշում են անօդաչուի հարվածի մասին․ ՏԵՍԱՆՅՈՒԹ
Քաղաքականություն
22.06.2022 | 13:04
ՌԴ Ռոստովի մարզի Նովոշախտինսկի նավթավերամշակման գործարանում հրդեհ է բռնկվել, գրում է Կոմերսանտը։
ԱԻՆ տվյալներով՝ ենթադրվում է, որ հրդեհը բռնկվել է ջերմափոխանակիչում, զոհեր և վիրավորներ չկան։ Հրշեջ-փրկարարները մարել են հրդեհը։
Սոցցանցերում հրապարակված տեսանյութերում երևում է, որ նախքան հրդեհի բռնկումը՝ անօդաչու թռչող սարքը մխրճվում է շենքի մեջ։ ՏԱՍՍ-ն էլ, վկայակոչելով տեղական իշխանությունում իր աղբյուրներին, հայտնում է, որ գործարանի տարածքով ուկրաիանական երկու անօդաչու է թռել։ Աղբյուրի խոսքով՝ անօդաչուներից մեկն ընկել է, որից հետո սկսվել է հրդեհը։
«Այն մխրճվել է գործարանի կառույցի մեջ, որից հետո տեղի է ունեցել պայթյուն և հրդեհ»,- ասել է աղբյուրը։
Հրդեհը տեղայնացվել է, մակերեսը կազմել է 50քմ։ Մարման աշխատանքներին մասնակցել է 30 մարդ և 14 միավոր տեխնիկա։
Նովոշախտինսկի նավթավերամշակման գործարանը նավթամթերքի խոշորագույն մատակարարն է Ռուսաստանի հարավում:
Footage of firefighters trying to put out the flames after the UAV strike on the oil refinery. 3/ pic.twitter.com/6ScU9Txt5D
— Rob Lee (@RALee85) June 22, 2022
Էմմա Չոբանյան
