16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ռուսաստանը կփորձի պահեստազոր ուղարկել Դոնբաս․ բրիտանական հետախուզություն
Քաղաքականություն
22.06.2022 | 15:54
Բրիտանական ռազմական հետախուզությունն Ուկրաինայում տիրող իրավիճակի վերաբերյալ ամփոփագրում հայտնում է, որ ռուսական զորքերը շարունակում են ակտիվ գնդակոծությունները և փորձում են շրջապատել Սևերոդոնեցկի շրջանը հյուսիսում՝ Իզյումի և հարավում՝ Պոպասնայի միջով, գրում է BBC-ի ռուսական ծառայությունը։
«Չափազանց հավանական է, որ Ռուսաստանը պատրաստվում է փորձել մեծ թվով պահեստային ստորաբաժանումներ ուղարկել Դոնբաս»,- ասվում է տեղեկագրում։
Նշվում է նաև, որ Դոնեցկի ինքնահռչակ հանրապետությունը հայտնում է, որ ռազմաճակատում զոհվել է 2128 մարդ, իսկ մոտ 8900-ը՝ վիրավորվել։
«Դոնեցկի կորուստների մակարդակը կազմում է նրա բոլոր զինված ուժերի մոտավորապես 55 տոկոսը, ինչը վկայում է Դոնբասում ռուսական և ռուսամետ զորքերի մաշման չափազանց բարձր աստիճանի մասին»,- նշում է բրիտանական հետախուզությունը։
Ասվում նաև, որ Դոնեցկի զորքերը հին զենք ու տեխնիկա ունեն։ Երկու կողմից էլ պահեստազոր ստեղծելու և ճակատ ուղարկելու ունակությունը, ըստ բրիտանական հետախուզության, ավելի որոշիչ գործոն է դառնում պատերազմի ելքի հարցում։
Էմմա Չոբանյան
