06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պատերազմի հետևանքով մոտ 1500 անձի հաշմանդամություն է սահմանվել, 112-ը՝ 1-ին կարգի․ Ռիմա Եգանյան․ ՏԵՍԱՆՅՈՒԹ
22.06.2022 | 11:45
Մեկնարկել է «Բժշկասոցիալական փորձաքննություն, հաշմանդամության խմբի սահմանում, վերափորձաքննություն։ Ի՞նչ ընթացակարգով և ի՞նչ չափորոշիչներով է իրականացվում փորձաքննությունն ու վերափորձաքննությունը, պատկերը՝ 2020թ․ պատերազմից հետո» թեմայով ասուլիսը:
Միասնական սոցիալական ծառայության բժշկասոցիալական փորձաքննության և աջակցող միջոցներով ապահովման վարչության պետ Ռիմա Եգանյանի խոսքով՝ ՀՀ Միասնական սոցիալական ծառայության 49 տարածքային կենտրոններում գրեթե ամեն օր իրականացվում է բժշկասոցիալական փորձաքննություն 15 բժիշկների կողմից: Տարեկան փորձաքննությունների թիվը հասնում է 53 հազար, որից 12-15 հազարը առաջնակի փորձաքննվողներն են:
«2021 թվականին բժշկասոցիալական փորձաքննության է ենթարկվել պատերազմի հետևանքով վիրավորում և վնասվածքներ ձեռք բերած 2000 անձ, տարբեր խմբերի հաշմանադամություն է սահմանվել 1498 անձի, որից 112-ին սահմանվել է առաջին կարգի հաշմանդամություն՝ 2 տարի ժամկետով, 396 անձի՝ երկրորդ կարգի հաշմանդամություն՝ 1 տարի ժամկետով, մոտ 980 անձի՝ երրորդ կարգի հաշմանադամություն: 102 անձի հաշմանադամություն սահմանվել է անժամկետ»,- հայտնեց Եգանյանը:
Մանրամասները՝ տեսանյութում:
