08.06.2026 | 17:40
Եթե Ծառուկյանը լավ մտածի՝ պիտի մատաղ անի, որ ԱԺ չանցնի․ ՔՊ-ին օդ ու ջրի պես պետք են նրա մանդատները ․ Նորայր Նորիկյան․ ՏԵՍԱՆՅՈՒԹ
Իրանում չեն բացառում, որ կվերադառնան միջուկային համաձայնագրին
Քաղաքականություն
20.06.2022 | 20:54
Իրանը կարծում է, որ Գործողությունների համատեղ համապարփակ ծրագիրը դեռ հնարավոր է վերսկսել և կոչ է արել ԱՄՆ-ին՝ զերծ մնալ նոր պատժամիջոցների կիրառումից։ Այս մասին հայտարարել է Իրանի ԱԳՆ ներկայացուցիչ Սաիդ Խաթիբզադեն, գրում է Swissinfo-ն։
«Չնայած ամերիկյան բոլոր խախտումերին ու Թրամփի մոտեցման շարունակմանը՝ այդ գնացքը դեռ չի գնացել»,- ասել է Խաթիբզադեն։
ԱԳՆ ներկայացուցիչը նշել է, որ ՀԳՀԾ-ին վերադառնալու պայմանն ԱՄՆ-ի կողմից բոլոր պատժամիջոցների վերացումն է և նրանց վերադարձը բանակցությունների միջոցով խնդիրների լուծմանը, այլ ոչ թե պատժամիջոցներով ճնշումը։ Նա նաև նախազգուշացրել է, որ ԱՄՆ-ի կողմից Իրանի դեմ լրացուցիչ պատժամիջոցների սահմանումը միայն կվատթարացնի իրավիճակը։
Հիշեցնենք, որ 2015 թվականին Իրանը և «վեցյակի» երկրները՝ ՄԱԿ-ի Անվտանգության խորհրդի հինգ մշտական անդամները և Գերմանիան, կնքեցին Միջուկային Գործողությունների համատեղ համապարփակ ծրագիրը համաձայնագիրը, ըստ որի՝ Թեհրանը պետք է սահմանափակի իր միջուկային ծրագրի զարգացումը բացառապես խաղաղ նպատակներով։
Էմմա Չոբանյան
