19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԱՄՆ-ը ջանքեր է գործադրում՝ թուլացնելու Հունաստանի և Թուրքիայի ծայրահեղ լարվածությունը
Քաղաքականություն
20.06.2022 | 18:22
ԱՄՆ-ը, որին աջակցում է Գերմանիան, վճռականորեն միջամտել է դաշնակիցներ Հունաստանի և Թուրքիայի միջև լարվածությունը չսրելուն, գրում է ekathimerini-ին։
Հունաստանի վարչապետ Կիրիակոս Միցոտակիսը Վաշինգտոնին զգուշացրել է Թուրքիայի ագրեսիվ հռետորաբանության վտանգների մասին, որը կարող է հանգեցնել Էգեյան ծովում զինված միջադեպի։
ԱՄՆ Ազգային անվտանգության հարցերով խորհրդական Ջեյք Սալիվանն անցյալ չորեքշաբթի Բեռլինում հանդիպել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընի հետ՝ ճանապարհ բացելու ապաէսկալացման ջանքերի համար, որոնք շարունակվեցին անհատական հանդիպմամբ։ Երկու երկրների պաշտպանության նախարարներ Նիկոս Պանագիոտոպուլոսը և Հուլուսի Աքարն էլ հինգշաբթի Բրյուսելում են հանդիպել։
Լրատվամիջոցը գրում է, որ հանդիպումը տեղի չէր ունենա առանց Թուրքիայի նկատմամբ ԱՄՆ-ի ուժեղ ճնշման։
Միցոտակիսը, որը վճռական է եղել խուսափել Անկարայի բուռն հռետորաբանությունից, անմիջապես համաձայնել է հանդիպմանը: ՆԱՏՕ-ի գլխավոր քարտուղար Յենս Ստոլտենբերգը ևս իր ներդրումն է ունեցել երկու երկրների պաշտպանության նախարարների հանդիպման կայացման համար։
Նշվում է, որ հանդիպմանը Պանագիոտոպուլոսն ու Աքարը խոսել են բուռն հռետորաբանությունից հնարավորինս խուսափելու, թուրքական կործանիչների ներխուժումը Հունաստանի օդային տարածք սահմանափակելու և երկու երկրների հաջող զբոսաշրջային սեզոնի անհրաժեշտության մասին:
Պաշտոնյաներից ամենալավատեսները նաև ասում են, որ Էրդողանի և Միցոտակիսի հանդիպումը կարող է տեղի ունենալ հունիսի 29-30-ին Մադրիդում կայանալիք ՆԱՏՕ-ի գագաթնաժողովում, չնայած Թուրքիայի նախագահի պնդմանը, որ նա այլևս չի խոսի Հունաստանի վարչապետի հետ։
Լրատվամիջոցը գրում է, որ, այնուամենայնիվ, Աթենքում կա կոնսենսուս, որ Էրդողանը հետ չի կանգնի իր հրահրող հռետորաբանությունից, որը կբարդացնի հաղորդակցությունը պահպանելու՝ պաշտպանության նախարարների ջանքերը։
Էմմա Չոբանյան
