28.07.2026 | 15:00
Պեսկովն ասել է, թե Փաշինյանը Պուտինին չի հայտնել ԵՄ-ին Հայաստանի անդամակցության հանրաքվեի անցկացման ժամկետները
Չինաստանի մշակած TP500 անօդաչու բեռնատար ինքնաթիռն առաջին թռիչքն է կատարել
Քաղաքականություն
19.06.2022 | 12:03
Չինաստանը հաջողությամբ իրականացրել է TP500 տրանսպորտային անօդաչու թռչող սարքի առաջին թռիչքային փորձարկումները: Այս մասին հունիսի 19-ին հայտնում է «Սինհուան» ՝ վկայակոչելով Չինաստանի ավիացիոն արդյունաբերության կորպորացիային (AVIC)։
Նշվում է, որ ավիացիոն ինստիտուտի կողմից մշակված առաջին սարքը երկնքում է մնացել 27 րոպե։
TP500-ը երկրում առաջին խոշոր անօդաչու բեռնատար ինքնաթիռն է, որն արտադրվել է ՉԺՀ-ի քաղաքացիական ավիացիայի վարչության պահանջներին և ստանդարտներին համապատասխան, ասված է հաղորդագրության մեջ:
TP500-ի առավելագույն հեռահարությունը կազմում է 1800 կմ։ Օդանավը կարող է 500 կիլոգրամ ստանդարտ բեռ տեղափոխել մինչև 500 կիլոմետր հեռավորության վրա։
