26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
ԱՄՆ-ը դադարեցրել է Ուկրաինային ռազմական անօդաչուների վաճառքը․ Reuters
Քաղաքականություն
18.06.2022 | 18:37
ԱՄՆ-ը որոշել է դադարեցնել MQ-1C Gray Eagle չորս հարվածային անօդաչու թռչող սարքերի վաճառքը։ Պատճառը մտավախությունն է, որ դրանցում առկա գաղտնի տեխնոլոգիաները կարող են հայտնվել Ռուսաստանի ձեռքում, գրում է Reuters-ը:
Անօդաչուների մատակարարման դեմ հանդես է եկել Պենտագոնի պաշտպանական տեխնոլոգիաների անվտանգության վարչությունը, որին հանձնարարվել է պահպանել թանկարժեք տեխնոլոգիաները:
Վարչությունը մտավախություն է հայտնել, որ Ռուսաստանի ձեռքում հայտնվելու դեպքում դրանք կարող են սպառնալիք ստեղծել ԱՄՆ-ի անվտանգության համար: Նշվում է, որ այս խնդրին անդրադարձ չի եղել սկզբնական քննարկման ժամանակ, սակայն անցյալ շաբաթվա վերջին կայացած բանակցություններում վեր է հանվել:
Պարբերականի տվյալներով՝ Պենտագոնում դեռ շարունակում են մտածել գործարքի մասին։
«Լուծումներից մեկը կարող է լինել գոյություն ունեցող ռադարների և սենսորային համալիրի փոխարինումը պարզեցված տարբերակով, սակայն դրա մշակումն ու տեղադրումը կարող է ամիսներ տևել»,- ասվում է զեկույցում:
