19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Լավրովն ու Բայրամովը հեռախոսազրույց են ունեցել
Քաղաքականություն
17.06.2022 | 21:05
ՌԴ ԱԳ նախարար Սերգեյ Լավրովն այսօր հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ, ասվում է ՌԴ արտաքին քաղաքական գերատեսչության հաղորդագրության մեջ։
Նշվում է, որ նախարարները քննարկել են երկկողմ օրակարգի մի շարք արդիական հարցեր՝ այս տարվա փետրվարի 22-ին
Ռուսաստանի Դաշնության և Ադրբեջանի Հանրապետության միջև ստորագրված դաշնակցային համագործակցության մասին հռչակագրի համատեքստում։
«Քննարկվել են միջազգային ու տարածաշրջանային հարցեր, այդ թվում` Հայաստանի և Ադրբեջանի միջև հարաբերությունների կարգավորումը։ Ընդգծվել է 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ համաձայնություններին համապատասխան Ռուսաստանի միջնորդական դերի կարևորությունը»,- մասնավորապես ասվում է հաղորդագրությունում։
Կողմերը պայմանավորվել են շարունակել այս հարցերի առարկայական քննարկումը Սերգեյ Լավրովի՝ Բաքու կատարելիք աշխատանքային այցի ընթացքում, որը տեղի կունենա հունիսի 23-24-ը։
Էմմա Չոբանյան
