17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Հայաստանում լրատվամիջոցների բևեռացվածությունը հասել է իր գագաթնակետին․ Աշոտ Մելիքյան․ ՏԵՍԱՆՅՈՒԹ
Հասարակություն
17.06.2022 | 13:38
«Ակնհայտ էր, որ հասարակության վստահությունը ԶԼՄ-ների նկատմամբ նկատելիորեն նվազել է, բայց որ կհասնի այս մակարդակին, երևի թե սպասելի չէր»,- «Մեդիան` թիրախում. ինչպես վերականգնել ԶԼՄ-ների նկատմամբ վստահությունը» թեմայով ասուլիսում այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը:
Նրա դիտարկմամբ՝ սա շատ լուրջ ազդակ է և շատ լուրջ նախազգուշացում կարող է լինել լրատվամիջոցների համար, որպեսզի նրանք վերադառնան պրոֆեսիոնալ դաշտ:
«Կարծում եմ՝ այս ցուցանիշը հետևանք է այն բանի, որ Հայաստանում լրատվամիջոցների բևեռվածությունը հասել է իր գագաթնակետին: Հատկապես հետպատերազմյան շրջանում ավելի ցայտուն դարձան բաժանարար գծերը: Տարբեր քաղաքական ուժերին սպասարկող լրատվամիջոցների գործունեությունն ակնհայտ է ոչ միայն մասնագետների, այլ նաև շարքային քաղաքացիների համար:
Խոսքի ազատության պաշտպանության կոմիտեի նախագահի խոսքով՝ երբ ապատեղեկատվությունը, փաստերի ու մեկնաբանությունների մանիպուլյացիան շատ ավելի լայն տարածում է գտնում, քան ստույգ և ստուգված տեղեկատվության տրամադրումը լսարանին, և որևէ մեկնաբանություն կամ վերլուծություն նպատակաուղղված է կոնկրետ քաղաքական շահեր սպասարկելուն, դա չի կարող վստահություն ներշնչել:
Մանրամասները՝ տեսանյութում:
