Չարբախում Արթուր Աբրահամի դպրոց ենք կառուցելու. Փաշինյան․ ՏԵՍԱՆՅՈՒԹ

Կառավարության այսօրվա նիստում որոշում կայացվեց ՀՀ կառավարության պահուստային ֆոնդի միջոցներից 338,1 մլն դրամ գումար հատկացնել ՀՀ կրթության, գիտության, մշակույթի և սպորտի նախարարությանը՝ աշխարհի և Եվրոպայի առաջնություններին և «Փարիզ 2024» օլիմպիական խաղերին նախապատրաստվելու  և  վարկանիշային  մրցաշարերին մասնակցելու նպատակով օլիմպիական խաղերի, աշխարհի և Եվրոպայի առաջնությունների հաղթողներին և մրցանակակիրներին, Օլիմպիական  խաղերի, աշխարհի առաջնությունների 4-8-րդ տեղերը զբաղեցրած մարզիկներին, ինչպես նաև օլիմպիական խաղերի ծրագրում ընդգրկված մարզաձևերի Հայաստանի Հանրապետության հավաքական թիմերի մարզիչներին ու բժիշկներին սպորտային նպաստ հատկացնելու նպատակով:

Վարչապետ Նիկոլ փաշինյանը նկատեց, որ սպորտի ներկայացուցիչներին աջակցելու համակարգն ինստիտուցիոնալ չի եղել. «Դրանք եղել են հատվածական, հայեցողական, չափանիշները շատ տարածական: Որոշել ենք, որ դա դարձնենք ինստիտուցիոնալ: Օլիմպիական չեմպիոնների համար մենք առանձին կարգ ունենք:

Ըստ այդմ, օլիմպիական խաղերի երկրորդ մրցանակակիրներին ամսական կվճարվի 500 հազար դրամ, 3-րդ տեղը զբաղեցրածներին՝ 400 հազար դրամ, օլիմպիական վարկանիշներ հաղթահարածներին՝ 300 հազար դրամ: Աշխարհի առաջնություններում հաղթողները կստանան 500 հազար դրամ ամսական նպաստ, երկրորդ տեղը զբաղեցրածները՝ 400 հազար դրամ, 3-րդ տեղը՝ 300 հազար դրամ: Եվրոպայի առաջնության հաղթողները՝ 400 հազար դրամ, երկրորդ տեղը՝ 300 հազար դրամ, 3-րդ տեղը՝ 200 հաար դրամ: 4-րդ տեղը զբաղեցրած մարզիկները կստանան 150 հազար դրամ: Երիտասարդական առաջնությունների հաղթողները կստանան 200 հազար դրամ, երկրորդ տեղը՝ 150 հազար դրամ, երրորդ տեղը՝ 100 հազար դրամ: Եվրոպայի երիտասարդական առաջնություններում՝ առաջին տեղը 150 հազար դրամ, երկրորդ տեղը՝ 100 հազար դրամ, երրորդ տեղը՝ 75 հազար դրամ:

ՀՀ մեծահասակների հավաքականների գլխավոր մարզիչները կստանան 350 հազար դրամ,  երկրորդ մարզիչը՝ 250 հազար դրամ, անձնական մարզիչը՝ 250 հազար դրամ, բժիշկ՝ 250 հազար դրամ: Երիտասարդների հավաքականի ավագ մարզի՝ 250 հազար դրամ, երկրորդ մարզիչ՝ 150 հազար դրամ, անձնական մարզիչ՝ 150 հազար դրամ: Պատանիների ավագ մարզի՝ 200 հզար դրամ, երկրորդ մարզիչ 150 հազար դրամ»:

Անդրադառնալով մարզական ենթակառուցվածքների զարգացման ծրագրերին, վարչապետը հիշեցրեց, որ կառուցվում են մարզական դպրոցներ՝ Արթուր Ալեքսանյանի դպրոցը, Սիմոն Մարտիրոսյանի դպրոցը, նախատեսում է կառուցել նաև Արթուր Աբրահամի դպրոցը Շենգավիթ վարչական շրջանում՝ Չարբախում:

Մանրամասները՝ տեսանյութում: