20.11.2024 | 14:35
Շոու է, որով ապահովում է իր նվազող ռեյտինգը․ Նինա Կարապետյանցը՝ պաշտոնանկությունների մասին․ ՏԵՍԱՆՅՈՒԹ
Իրանը պատրաստակամություն է հայտնել ՀՀ-ի հետ տարեկան առևտրի ծավալը հասցնել է 1 մլրդ դոլարի
Քաղաքականություն
17.06.2022 | 14:08
Իրանի արտաքին գործերի նախարարը պատրաստակամություն է հայտնել ավելացնել Հայաստանի հետ տարեկան առևտրի ծավալը՝ հասցնելով մինչև 1 մլրդ դոլարի։ Tasnim-ի փոխանցմամբ՝ Իրանի ԱԳ նախարար Հոսեյն Ամիր Աբդոլլահիանը հինգշաբթի Թեհրանում ՀՀ Ազգային ժողովի նախագահ Ալեն Սիմոնյանի հետ հանդիպման ժամանակ բարձր է գնահատել Հայաստանի՝ որպես բարեկամ ժողովուրդի հետ հարաբերություններն ու ՀՀ-ն Իսլամական Հանրապետության գլխավոր հարևանն անվանել։
Ընդգծելով երկու երկրների միջև տնտեսական համագործակցության խթանման անհրաժեշտությունը՝ Ամիր Աբդոլլահիանը հայտնել է Իրանի պատրաստակամությունը՝ Հայաստանի հետ տարեկան առևտրաշրջանառության ծավալը հասցնել 1 մլրդ դոլարի։
Նա նաև անդրադարձել է էներգետիկ և տրանսպորտային ոլորտին՝ որպես հարևան երկրների համագործակցության երկու հիմնական ոլորտներ՝ Հայաստանը բնութագրելով որպես Պարսից ծոցը Սև ծովին կապող միջազգային միջանցքի անփոխարինելի հատված։ Ամիր Աբդոլլահիանը նաև հայտնել է իրանական ընկերությունների պատրաստակամությունը՝ ավարտին հասցնելու Հայաստանում ենթակառուցվածքային նախագծերը, մասնավորապես՝ տրանսպորտային ծրագրերը։
Իրանցի պաշտոնյան կովկասյան տարածաշրջանում խաղաղություն և կայունություն ապահովելու ջանքերը համարել է Իրանի գլխավոր առաջնահերթություններից մեկը՝ ասելով, որ Թեհրանը կօգտագործի իր ողջ ներուժը՝ օգնելու կարգավորել Հայաստանի և Ադրբեջանի միջև հակամարտությունը։
Իրանի արտգործնախարարը նաև հույս է հայտնել, որ 3+3 ձևաչափով հանդիպման երկրորդ փուլը մոտ ապագայում կանցկացվի Իրանում։
Տաթև Ֆռանգյան
