08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Կառավարությունը պետական շենքը հանել է վաճառքի
Քաղաքականություն
08.06.2022 | 23:28
Հայաստանի կառավարությունը վաճառքի է հանում վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի շենքը: Կառույցի ընդհանուր մակերեսը 9905.21 քմ է, կից կա նաև երկու հողամաս՝ 3.302955 և 0.00436 հեկտար մակերեսներով:
Շինության շուկայական արժեքը 2021 թվականի հուլիսի 6-ի դրությամբ՝ 8 մլրդ 267 մլն դրամ, իսկ հողամասի շուկայական արժեքը՝ 7 մլրդ 586 մլն դրամ:
Կառավարության որոշման նախագծում որպես հիմնավորում նշված է այն, որ շենքի և հողամասի օտարումից ՀՀ պետական բյուջե լրացուցիչ մուտքեր կլինեն: Նկատենք, սակայն, որ չկա այլ հիմնավորում, թե ինչու է շենքը վաճառվում, օրինակ, բացակայում է պահպանման ծախսերի հաշվետվությունը:
Նախատեսվում է վաճառքից ստացված գումարի մի մասով «Հանրային կապերի և տեղեկատվության կենտրոն» ՊՈԱԿ-ի համար նոր տարածք գնել:
