Տնտեսություն
08.06.2022 | 18:10Միջազգային բյուջետային գործընկերությունը (ՄԲԳ-IBP) և Թրանսփարենսի Ինթերնեշնլ հակակոռուպցիոն կենտրոն հասարակական կազմակերպությունը ներկայացնում են Բաց բյուջեների 2021 թվականի հետազոտությունը։
Բաց բյուջեի հետազոտությունը (ԲԲՀ) աշխարհի միակ անկախ, համեմատական և փաստերի վրա հիմնված հետազոտական գործիքն է, որն օգտագործում է միջազգայնորեն ընդունված չափանիշները՝ գնահատելու պետական բյուջեի վերաբերյալ տեղեկատվությունը, պետական բյուջեի բյուջետային գործընթացում մասնակցելու հանրությանն ընձեռնված օրենքներով և այլ իրավական ակտերով սահմանված հնարավորությունները և բյուջետային գործընթացում բյուջեի վերահսկողություն իրականացնող մարմինների (օրենսդիր իշխանություն և ազգային հաշվեքննիչ հաստատություն) դերը։
«Բյուջեում վերաբաշխումների խստացման կարիք կա․ տարվա մեջ 500-ից ավելի վերաբաշխում է եղել»,- ասաց պետական ֆինանսական կառավարման փորձագետ Արտակ Քյուրումյանը։
«Բայց այս ձևը, որ տարվա մեջ 500-ից ավելի վերաբաշխումներ են կատարվում, անընդունելի է. վերահսկողություն չի արվում: Հաշվեքննիչ պալատի հաշվետվությունում նշված չէ՝ արդյո՞ք վերաբաշխումների ծավալը համապատասխանում են 3 տոկոսի պահանջներին»,- ասաց Քյուրումյանը:
Մանրամասները՝ տեսանյութում:
