17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Զախարովան՝ Լավրովի հայաստանյան այցի օրակարգի մասին
Քաղաքականություն
08.06.2022 | 17:32
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է ԱԳ նախարար Սերգեյ Լավրովի՝ Հայաստան կատարելիք աշխատանքային այցին, գրում է ՏԱՍՍ-ը։
Զախարովան նշել է, որ նախատեսված են Լավրովի հանդիպումները ՀՀ ԱԳ նախարար Արարատ Միրզոյանի, վարչապետ Նիկոլ Փաշինյանի և նախագահ Վահագն Խաչատուրյանի հետ։
Նա մատնանշել է, որ քննարկման հիմնական թեմաներն են «երկկողմ դաշնակցային հարաբերություններին, ընդհանուր ինտեգրացիոն ասոցիացիաներում՝ ԵՏՄ-ում, ՀԱՊԿ-ում, ԱՊՀ-ում Մոսկվայի և Երևանի միջև համագործակցության ընդլայնմանը, ինչպես նաև միջազգային հարթակներում համակարգման ամրապնդմանը վերաբերող հարցերը»։
Բացի այդ, այցի ընթացքում «նախատեսվում է անցկացնել մտքերի խորացված փոխանակում Հայաստանի, Ադրբեջանի և Ռուսաստանի ղեկավարների միջև 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի պայմանավորվածությունների կատարման վերաբերյալ»։
Զախարովան նաև ընդգծել է Ռուսաստանի և Հայաստանի միջև երկկողմ շփումների խիստ ինտենսիվացման մասին։
Էմմա Չոբանյան
