18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Փաշինյանի տան վրա գնալն ու ոստիկանությունից բողոքելը 5-րդ շարասյան պահվածք է․ Քոչարյանի տան վրա երբե՛ք չեմ գնացել․ Արամ Սարգսյան․ ՏԵՍԱՆՅՈՒԹ
Քաղաքականություն
08.06.2022 | 19:02
«Փողոցի ուժերի ներկայացուցիչներն ասում էին, որ իրենք երեխա ժամանակ հեծանիվ են ունեցել, փողոցում կռիվներ են արել, կայացած մարդիկ են։ Մեր գյուղում որ վիճում էինք, գնում էինք դպրոցի շենքի հետևը կամ գյուղի ակումբի հետևը, երբեք չէինք գնում որևէ մեկի տան վրա»,- Factor TV-ի հարցազրույցում ընդդիմության ակցիաներին այսպիսի գնահատական է տալիս «Հանրապետություն» կուսակցության ղեկավար Արամ Սարգսյանը՝ անընդունելի համարելով Նիկոլ Փաշինյանի կեցավայրի շրջափակումը, որտեղ ապրում է նրա ընտանիքը։
«Հանրապետություն» կուսակցությունն ավելի քան 20 տարի Հայաստանում ընդդիմադիր պայքար է ծավալել Ռոբերտ Քոչարյանի, Սերժ Սարգսյանի իշխանությունների դեմ։ Այս ուժի ղեկավարն ասում է, որ ինքը բազմաթիվ հրապարակներում և փողոցներում է երթեր արել՝ իբրև ընդդիմություն, բացի՝ Պռոշյան փողոցը։
«Երբեք չեմ գնացել կառավարության կեցավայր՝ անկախ իմ վերաբերմունքից Ռոբերտ Քոչարյանի կամ Սերժ Սարգսյանի հանդեպ։ Ես խորին հարգանք եմ տածել նրանց կանանց, երեխաների հանդեպ, երբեք որևէ ավելորդ բառ չեմ ասել։ Այսինքն՝ վեր եք կենում, գնում այդ մարդու տան վրա, այսինքն՝ հստակ պրովոկացիա եք անում, սա ակնհայտ պրովոկացիա է, և մի բան էլ բողոքում եք ոստիկանությունից»,- հայտարարեց Արամ Սարգսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
