28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
Թուրքիան ակնկալում է, որ Ռուսաստանը և ԱՄՆ-ը կկատարեն Սիրիայի վերաբերյալ պայմանավորվածությունները․ Չավուշօղլու
Քաղաքականություն
08.06.2022 | 15:57
Թուրքիայի ԱԳ նախարար Մևլութ Չավուշօղլուն և նրա ռուս գործընկեր Սերգեյ Լավրովն այսօր Անկարայում տեղի ունեցած հանդիպմանը քննարկել են նաև Սիրիայում տիրող իրավիճակը, գրում է ՏԱՍՍ-ը։
Հավելենք, որ Սիրիայում իրավիճակը կտրուկ լարվել է այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարեց երկրում նոր ռազմական գործողություն սկսելու մասին, որի նպատակը Թուրքիայի սահմանին 30 կմ-անոց անվտանգության գոտի ստեղծելն է։
Չավուշօղլուն հայտնել է, որ Թուրքիան ՌԴ-ից և ԱՄՆ-ից ակնկալում է Անկարայի հետ ավելի վաղ ձեռք բերված պայմանավորվածությունների կատարում՝ Սիրիան ահաբեկիչներից մաքրելու վերաբերյալ։
«Մենք հանդես ենք գալիս Սիրիայի հարցով Աստանայի գործընթացի շարունակման օգտին։ Մենք անհրաժեշտ ենք համարում քուրդ բնակչությանն ազատել ահաբեկիչներից, որոնք ներկա են երկրի հյուսիսում։ Արևմտյան երկրները, առաջին հերթին՝ ԱՄՆ-ը, աջակցում են այս ահաբեկչական տարրերին Սիրիայի հյուսիսում։ Մենք ակնկալում ենք, որ և՛ Միացյալ Նահանգները, և՛ Ռուսաստանը կկատարեն իրենց պայմանավորվածությունները՝ մաքրելու այս շրջանները ահաբեկիչներից»,- ասել է Չավուշօղլուն։
Էմմա Չոբանյան
