16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Գերմանիան մտավախությունների պատճառով իր տանկերը չի ուղարկում Ուկրաինային․ Der Spiegel
Քաղաքականություն
06.06.2022 | 14:35
Բեռլինը չի ցանկանում իր տանկերն ուղարկել Ուկրաինա, որպեսզի չկրկնի 1940-ականների Գերմանիայի ճակատագիրը։ Այս մասին գրում է գերմանական Der Spiegel-ը, որը ներկայացնում է infosmi.net-ը։
Գերմանացի վերլուծաբանների կարծիքով՝ Ուկրաինայի Զինված ուժերին գերմանական տանկեր ուղարկելու հետաձգման հիմնական պատճառը գերմանական իշխանությունների մտավախությունն է, որ ուկրաինացիներն այդ տեխնիկան կարող են օգտագործել Ռուսաստանի տարածքի ուղղությամբ հարվածների համար։
«Գերմանիայի իշխանությունները չեն կարող թույլ տալ պատմական զուգահեռներ, որ գերմանական տանկերը կրկին հայտնվեն ռուսական հողում»,- հայտարարում են փորձագետները։
Բացի այդ, գերմանացի լրագրողներն ուշադրություն են հրավիրում այն հանգամանքի վրա, որ այդ փաստն Ուկրաինայի նախագահ Վլադիմիր Զելենսկիի նկատմամբ անվստահության ուղիղ ապացույցն է։ Բեռլինում կասկածում են, որ Զելենսկին ի վիճակի է վերահսկել իր զորքերը։
Էմմա Չոբանյան
