09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանի խոսնակը հայտարարել է, թե Ֆինլանդիայի և Շվեդիայի քայլերից է կախված ՆԱՏՕ-ին նրանց անդամակցության հարցում Թուրքիայի որոշումը
Քաղաքականություն
03.06.2022 | 21:08
Թուրքիայի պահանջներին Ֆինլանդիայի և Շվեդիայի պատասխանը կորոշի ՆԱՏՕ-ին այդ երկրների անդամակցության հայտերի առաջընթացը այս ամիս դաշինքի գագաթնաժողովից առաջ։ Այս մասին հայտարարել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը, գրում է «Ահվալ» գործակալությունը։
«Դա կախված է նրանից, թե ինչ կանեն Շվեդիան և Ֆինլանդիան։ Երբ մենք տեսնենք առաջընթաց մեր պահանջներում, այդ ժամանակ գործընթացը կշարունակվի: ՆԱՏՕ-ն զբոսաշրջություն չէ, ոչ էլ տնտեսական դաշինք, այն անվտանգության դաշինք է, ինչը նշանակում է, որ պետք է ապահովի իր բոլոր անդամների անվտանգությունը հավասարապես և արդարացիորեն»,- ասել է նա իսպանական El Pais-ին տված հարցազրույցում։
Անցյալ շաբաթ Շվեդիայի և Ֆինլանդիայի պատվիրակությունները Թուրքիայում էին, սակայն բանակցություններն առաջընթաց չեն գրանցել՝ հաղթահարելու Անկարայի առարկությունները հյուսիսային երկրների՝ ՆԱՏՕ-ին միանալու հարցում։
Թուրքիայի նախագահ Ռեջեփ Թայիփ Էրդողանն էլ օրերս հայտարարել էր, որ Անկարան որևէ առաջարկ չի ստացել իր պահանջների վերաբերյալ։ Նա Շվեդիային և Ֆինլանդիային մեղադրում է քուրդ «ահաբեկիչներին» աջակցելու մեջ։
Էմմա Չոբանյան
