26.03.2026 | 19:12
Իրանը պաշտոնական պատասխան է ուղարկել ԱՄՆ-ի 15 կետանոց ծրագրին և պատերազմը դադարեցնելու պայմաններ սահմանել
Իռլանդիայի Սենատը Ուկրաինայում ՌԴ-ի գործողությունները «ցեղասպանություն» է ճանաչել
Քաղաքականություն
02.06.2022 | 19:13
Իռլանդիայի խորհրդարանի վերին պալատը՝ Սենատը, բանաձև է ընդունել, որով Ուկրաինայում Ռուսաստանի գործողությունները «ցեղասպանություն» է ճանաչում։ Այս մասին հայտարարել է Սենատի խոսնակ Մարկ Դալին։
«Ռուսաստանի Դաշնության անօրինական ներխուժումն Ուկրաինա ցեղասպանության ակտ է: Իռլանդիայի Սենատը բանաձև է ընդունել Ուկրաինայում Ռուսաստանի իրագործած ցեղասպանության մասին»,- գրել է Դալին Twitter-ում:
Փաստաթղթում ասվում է, որ Ռուսաստանի ներխուժումը Ուկրաինա չպատճառաբանված արարք էր, և որ այն հակասում է միջազգային իրավունքին։
«Ռուս զինվորականների գործողությունները համապատասխանում են Ցեղասպանության հանցագործության կանխարգելման և պատժի մասին ՄԱԿ-ի կոնվենցիայով սահմանված «ցեղասպանություն» եզրույթի չափանիշներին»,- ասվում է բանաձևում։
Ավելի վաղ Կանադայի, Լատվիայի, Էստոնիայի, Լիտվայի և Չեխիայի խորհրդարանները ևս Ռուսաստանի գործողությունները ճանաչել էին «ցեղասպանություն»։
Էմմա Չոբանյան
