28.06.2026 | 16:37
Բագրատաշենի մաքսային կետում մաքսային ձևակերպումներն իրականացվել են անխափան և բնականոն ընթացքով. ՊԵԿ
Ուկրաինան ՌԴ-ից պահանջում է երաշխավորել նավերի և նավահանգիստների անվտանգությունը՝ հացահատիկն արտահանելու համար
Քաղաքականություն
02.06.2022 | 17:40
Ուկրաինայի ԱԳՆ-ն Ռուսաստանից անվտանգության երաշխիքներ է պահանջում կոմերցիոն ավտոշարասյուների և ծովային նավահանգիստների համար՝ հացահատիկի արտահանումը կազմակերպելու նպատակով։ Այս մասին հայտարարել է Ուկրաինայի ԱԳՆ խոսնակ Օլեգ Նիկոլենկոն, գրում է ՏԱՍՍ-ը։
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Ռուսաստանի ռազմածովային ուժերը կապահովեն ուկրաինական հացահատիկով նավերի անխոչընդոտ անցումը, եթե Ուկրաինան լուծի իր տարածքային ջրերի ականազերծման խնդիրը։
«Որպես առաջին քայլ՝ Ռուսաստանը պետք է իր ուժերը հեռացնի Ուկրաինայի շրջակայքում գտնվող ծովային տարածքից և ապահովի անվտանգության երաշխիքներ՝ չհարձակվելու նավահանգիստների և առևտրային շարասյուների վրա»,-ֆեյսբուքյան իր էջում գրել է Նիկոլենկոն։
Ըստ նրա՝ Ուկրաինան գործընկերների հետ աշխատում է միջազգային առաքելություն ստեղծելու հնարավորության շուրջ, մասնավորապես, ՄԱԿ-ի հովանու ներքո, որը կստանձնի ուկրաինական գյուղատնտեսական արտադրանքի արտահանման ծովային ուղիների ապահովումը։
Ուկրաինացի դիվանագետը հայտնել է, որ ավելի քան 20 մլն տոննա հացահատիկ կա ուկրաինական նավահանգիստներում։
Էմմա Չոբանյան
