20.08.2026 | 13:01
Դեպի ԵՄ Հայաստանի արտահանումը առաջին կիսամյակում աճել է ավելի քան 80%-ով
Պելեն՝ Պուտինին. «Դադարեցրե՛ք ներխուժումը, շարունակվող բռնությունը ոչ մի արդարացում չունի»
Քաղաքականություն
02.06.2022 | 16:06
Բրազիլացի լեգենդար ֆուտբոլիստ Պելեն ՌԴ նախագահ Վլադիմիր Պուտինից պահանջել է դադարեցնել ռազմական գործողություններն Ուկրաինայում։ Ռուսաստանի ղեկավարին ուղղված ուղերձը նա գրել է աշխարհի առաջնության ընտրական խաղում Ուկրաինայի ֆուտբոլի ազգային հավաքականի՝ Շոտլանդիայի նկատմամբ տարած հաղթանակից հետո, հաղորդում է BBC-ի ռուսական ծառայությունը։
«Այսօր Ուկրաինան փորձում է գոնե 90 րոպեով մոռանալ այն ողբերգությունը, որը կլանել է այդ երկիրը։ Դադարեցրե՛ք ներխուժումը»,- այսպես է սկսել իր ելույթը Պելեն։
«Բացարձակապես ոչ մի արդարացում չկա շարունակվող բռնության համար: Այս հակամարտությունը սարսափելի է, չարդարացված և ոչինչ չի բերում՝ ցավից, վախից և ատելությունից բացի: Այն կասեցնելու հնարավորությունը ձեր ձեռքերում է, այն ձեռքերում, որ ես սեղմել եմ 2017 թվականին Մոսկվայում մեր վերջին հանդիպման ժամանակ»,- հավելել է ֆուտբոլիստը։
