18.12.2025 | 23:24
ՀՀ տարածքում ավտոճանապարհները հիմնականում անցանելի են
3 եվրոպական երկրներ միացել են Ուկրաինայում ռուսական ռազմական հանցագործությունների միջազգային հետաքննությանը
Քաղաքականություն
01.06.2022 | 17:53
Եվս երեք երկրներ են միացել Ուկրաինայում ռազմական հանցագործությունները հետաքննող միջազգային հետաքննության թիմին, իսկ Միջազգային քրեական դատարանի դատախազը հայտնել է, որ ծրագրում է գրասենյակ բացել Կիևում՝ Ռուսաստանի ներխուժումից ի վեր վայրագությունների մեղավորներին պատասխանատվության ենթարկելու շարունակական կոչերի ֆոնին, գրում է PBS-ը:
Էստոնիան, Լատվիան և Սլովակիան Հաագայում երկօրյա կոորդինացիոն հանդիպման ժամանակ ստորագրել են համաձայնագիր՝ միանալու Լիտվայի, Լեհաստանի և Ուկրաինայի մասնակցությամբ Համատեղ հետաքննության թիմին, որը կօգնի համակարգել ռուսական զինուժի վայրագությունների մասին ապացույցների փոխանակումը Եվրոպական միության դատական համագործակցության Eurojust գործակալության միջոցով:
Միջազգային քրեական դատարանի (ՄՔԴ) դատախազ Քարիմ Խանը հայտարարել է, որ թիմային աշխատանքն ընդգծում է միջազգային հանրության նվիրվածությունն օրենքի գերակայությանը:
«Կարծում եմ՝ դա ցույց է տալիս, որ գոյություն ունի օրինականության ընդհանուր ճակատ, որը բացարձակապես կարևոր է ոչ միայն Ուկրաինայի, այլ ողջ աշխարհում խաղաղության և անվտանգության պահպանման համար»,- ասել է նա:
Մոսկվայի ռազմական գործողություններն Ուկրաինայում լայնորեն դատապարտվել են միջազգային հանրության կողմից որպես անօրինական ագրեսիայի գործողություն։ Ռուսական ուժերը մեղադրվում են Կիևի Բուչա արվարձանում խաղաղ բնակիչների սպանության և քաղաքացիական ենթակառուցվածքների, այդ թվում՝ պաշարված Մարիուպոլ քաղաքի հիվանդանոցների և թատրոնի վրա հարձակումների համար, որն օգտագործվում էր որպես ապաստան հարյուրավոր խաղաղ բնակիչների կողմից: Associated Press-ի հետաքննությունն ապացույցներ է գտել, որ մարտի 16-ին տեղի ունեցած պայթյունը շենքի ներսում և դրսում շուրջ 600 մարդու կյանք է խլել:
