09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կրեմլը չի հավատում, որ Կիևն ամերիկյան նոր զենքեր ստանալուց հետո չի հարձակվի Ռուսաստանի վրա. Պեսկով
Քաղաքականություն
01.06.2022 | 18:11
Մոսկվան չի հավատում Ուկրաինայի նախագահ Վլադիմիր Զելենսկիին, որն ասել է, որ Կիևը չի պատրաստվում հարձակվել Ռուսաստանի Դաշնության տարածքի վրա, եթե ստանա ամերիկյան հեռահար բազմակի հրթիռային համակարգերը (MLRS): Այս մասին ասել է ՌԴ նախագահի մամուլի քարտուղար Դմիտրի Պեսկովը։
«Ոչ։ Վստահելու համար պետք է ունենալ դեպքերի փորձ, երբ այդ խոստումները կատարվել են: Ցավոք, նման փորձ ընդհանրապես չկա»,- ասել է Կրեմլի խոսնակը՝ պատասխանելով ՏԱՍՍ-ի հարցին՝ արդյո՞ք Կրեմլը վստահում է Զելենսկիի խոսքերին։
Նրա խոսքով՝ ԱՄՆ-ի կողմից նշյալ համակարգերի մատակարարումն Ուկրաինայում «կրակի վրա յուղ լցնել է»։
«Այստեղ ոչ մի նոր բան չկա, մենք կարծում ենք, որ Միացյալ Նահանգները նպատակաուղղված և ջանասիրաբար յուղ է լցնում կրակի վրա, ԱՄՆ-ն, ակնհայտորեն, իսկապես մինչև վերջին ուկրաինացին պայքարելու է Ռուսաստանի դեմ»,- հայտարարել է Պեսկովը։
Տաթև Ֆռանգյան
