Քաղաքականություն
01.06.2022 | 16:13
Գերմանիայի կանցլեր Օլաֆ Շոլցը հայտարարել է, որ Գերմանիայի կառավարությունը որոշել է Ուկրաինային մատակարարել ժամանակակից IRIS-T SL հակաօդային պաշտպանության համակարգեր, փոխանցում է BBC-ի ռուսական ծառայությունը։
«Սա ամենաժամանակակից հակաօդային պաշտպանության համակարգն է, որն ունի ԳԴՀ-ն»,- ասել է Շոլցը։
Մայիսի կեսերին գերմանական Bild պարբերականը գրել էր, որ Ուկրաինան շահագրգռված է 10 հատ IRIS-T SLM համակարգ ստանալու հարցում։ Ուղղահայաց արձակվող կայանից կրակելու հեռահարությունը մինչև 40 կմ է։ Համակարգը կարող է խոցել ինքնաթիռներ, ուղղաթիռներ, թևավոր հրթիռներ, հրթիռային հրետանի, անօդաչու սարքեր և այլն։
Տաթև Ֆռանգյան
