15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Տեղեկատվությունը իրականությանը չեն համապատասխանում. «Գազպրոմ Արմենիա»-ի պարզաբանումը
04.05.2018 | 13:39
Պարզաբանում որոշ ԶԼՄ-ների կողմից տարածած տեղեկատվության վերաբերյալ.
Ս.թ. մայիսի 4-ին որոշ ԶԼՄ-ի կողմից տարածվել է տեղեկատվություն, թե «Գազպրոմ Արմենիա» ՓԲԸ Լոռու գազաֆիկացման և գազամատակարարման մասնաճյուղի (ԳԳՄ) աշխատակիցներին«ստիպում են ստորագրել ինչ-որ թղթերի տակ, որոնց բովանդակությունը հայտնի չէ»: Ընդ որում, բացառապես անհիմն եղանակով փորձ է արվում այդ ամենը ներկայացնել քաղաքական լույսի ներքո:
«Գազպրոմ Արմենիա» ՓԲԸ-ն պաշտոնապես հայտարարում է, որ այդ տեղեկատվությունը և դրա վերաբերյալ մեկնաբանություններն իրականությանը չեն համապատասխանում:
«Գազպրոմ Արմենիա» ՓԲԸ-ի կառուցվածքային ստորաբաժանումներում և ԳԳՄ-ներում ընթանում է անձնական տվյալներ մշակող աշխատակիցներին «Անձնական տվյալների պաշտպանությանմասին» ՀՀ օրենքի պահանջներին, սույն օրենքին համապատասխան մշակված «Գազպրոմ Արմենիա» ՓԲԸ-ում Անձնական տվյալների պաշտպանության քաղաքականության, «Գազպրոմ Արմենիա» ՓԲԸ-ում Անձնական տվյալների մշակման կարգի և անձնական տվյալների պաշտպանության ոլորտը կարգավորող այլ ներքին իրավական ակտերի դրույթներին ծանոթացմանգործընթացը, որը մեկնարկել է դեռևս 2017 թվականի հոկտեմբերին:
Ըստ սահմանված ժամանակացույցի՝ «Գազպրոմ Արմենիա» ՓԲԸ կառուցվածքային ստորաբաժանումների և ԳԳՄ-ների անձնական տվյալներ մշակող աշխատակիցներն ուսումնասիրում են վերընշված փաստաթղթերը, ծանոթանում դրանց պահանջներին և դրույթներին, ինչի վերաբերյալ ստորագրում են անձնական տվյալների պաշտպանության ոլորտը կարգավորող փաստաթղթերին ծանոթ լինելու մատյանում:
Կից ներկայացնում ենք վերը նշված մատյանի օրինակելի ձևի պատճենը:
