15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Նիկոլ Փաշինյանն առաջադրվեց վարչապետի թեկնածու
Քաղաքականություն
03.05.2018 | 15:36
Ազգային ժողովի 41 պատգամավորի ստորագրությամբ «Ելք» խմբակցության ղեկավար Նիկոլ Փաշինյանն առաջադրվեց վարչապետի թեկնածու։ Այս մասին Factor.am-ին տեղեկացրեց ԱԺ «Ելք» խմբակցության պատգամավոր Արարատ Միրզոյանը:
Հիշեցնենք, որ մինչ այս պահը վարչապետի պաշտոնում առաջադրված միակ թեկնածուն Նիկոլ Փաշինյանն է, որին աջակցում են ՀՅԴ-ն և «Ծառուկյան» խմբակցությունները: Հանրապետականը հայտարարել է, որ թեկնածու չի առաջադրելու և աջակցելու է՝ Նիկոլ Փաշինյանը դառնա վարչապետ:
Տեղեկացնենք, որ Հայաստանի վարչապետի ընտրության հարցը կքննարկվի մայիսի 8-ին ժամը 12:00-ին իրավունքի ուժով գումարվող Ազգային ժողովի հատուկ նիստում: Վարչապետի ընտրության համար անհրաժեշտ է 53 ձայն, իսկ եթե այս անգամ էլ վարչապետ չընտրվի, Ազգային ժողովը կարձակվի, ինչից հետո ոչ շուտ, քան երեսուն, և ոչ ուշ, քան քառասունհինգ օր հետո տեղի կունենան արտահերթ խորհրդարանական ընտրություններ։
