16.01.2025 | 13:00
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
Լեզուն թող մտքից առաջ չընկնի․ Արթուր Հովհաննիսյանը՝ Իշխան Սաղաթելյանի հայտարարությունների մասին․ ՏԵՍԱՆՅՈՒԹ
Քաղաքականություն
26.05.2022 | 11:33
ԱԺ ճեպազրույցների ժամանակ «Քաղաքացիական պայմանագիր» խմբակցության քարտուղար Արթուր Հովհաննիսյանն անդրադարձավ հարցին, թե «Քաղաքացիական պայմանագիր» խմբակցությունը կմասնակցի՞ խորհրդարանական ընդդիմության նախաձեռնած արտահերթ նիստին։
«Երբ ԱԺ մուտք կարվի նախագիծ՝ արտահերթ նիստ հրավիրելու վերաբերյալ, այդ ժամանակ «Քաղաքացիական պայմանագիր» խմբակցությունը կհայտնի իր դիրքորոշումը նիստին մասնակցելու կամ չմասնակցելու վերաբերյալ»,- ասաց պատգամավորը:
ՔՊ խմբակցության մեկ այլ պատգամավոր Ծովինար Վարդանյանը նկատեց. «Դուք Իշխան Սաղաթելյանի խոսքը կիսատ մեջբերեցիք։ Նա ասել էր՝ եթե տղա եք, եկեք մասնակցեք»։
«Փոխանցեմ նրան, որ նախ ես տղա չեմ, եթե նկատում է, բայց եթե տղայական խոսակցության մասին է խոսքը, ապա՝ եթե Սաղաթելյանը տղա էր, ապա ո՞ւր էր այս ողջ ընթացքում, այդ թվում այն ժամանակ, երբ ծափողջույններով «Քաղաքացիական պայմանագիրը» ճանապարհեց իրենց ընկերներին ԱԺ դահլիճից։ Որտե՞ղ էր Իշխան Սաղաթելյանը։ Էլ չասեմ մնացած նիստերը, որոնցից նա բացակայում է»,- նշեց Ծովինար Վարդանյանը:
«Քաղաքացիական պայմանագիրը» խմբակցության պատգամավոր Վլադիմիր Վարդանյանը հարցադրում արեց. «Այդ հայտարարությունը կարելի է դիտարկել որպես ընդդիմության վերադարձ խորհրդարա՞ն։ Ընդդիմադիրների պարտականությունն է գալ նիստերին։ Ինչ վերաբերում է արտահերթ նիստին, ապա այն պետք է ունենա օրակարգ… կա ընթացակարգ։ Այսինքն՝ նախաձեռնության մասին ասելը դեռևս արտահերթ նիստ չէ»։
Անդրադառնալով ընդդիմության խոսույթին՝ Արթուր Հովհաննիսյանը նշեց. «Սաղաթելյանին հորդորում եմ այլևս նման բառամթերքով չարտահայտվել, որովհետև ՔՊ պատգամավորներից կմ-ներով հեռու նման բաներ ասելը ծիծաղելի է։ Ակնկալում եմ, որ կկարողանա գալ և մի քանի մետր այն կողմ նույն դեմքի արտահայտությամբ ու տոնով կրկնել այդ ասածները։ Խիստ կասկածում եմ, ուստի հորդորում եմ, որ Իշխան Սաղաթելյանի լեզուն մտքից առաջ չընկնի այլևս»։
Մանրամասները՝ տեսանյութում:
