24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
ԱԺ-ում ստորագրահավաք է ընթանում՝ Նիկոլ Փաշինյանին որպես վարչապետի թեկնածու առաջադրելու համար
Քաղաքականություն
03.05.2018 | 12:53
Մայիսի 8-ին Հայաստանի վարչապետի պաշտոնում Նիկոլ Փաշինյանի թեկնածությունն առաջադրելու համար այսօր վաղ առավոտից խորհրդարանում ստորագրահավաք է ընթանում: ԱԺ երեք խմբակցությունները՝ «Ելք»-ը, «Ծառուկյան»-ը և ՀՅԴ-ն հավաքում են անհրաժեշտ 35 ստորագրությունները, որպեսզի հնարավոր լինի Նիկոլ Փաշինյանի թեկնածությունն առաջադրել: ԱԺ «Ելք» խմբակցության պատգամավոր Արարատ Միրզոյանը լրագրողներին տեղեկացրեց, որ այսօր կամ վաղը իրենք կառաջադրեն Նիկոլ Փաշինյանի թեկնածությունը:
«Ծառուկյան» խմբակցության 31 պատգամավորներից այսօր խորհրդարան եկած 27 պատգամավոր արդեն ստորագրել են, բացակա են Մելիք Մանուկյանը, Տիգրան Ուրիխանյանը, Իշխան Զաքարյանն ու Գագիկ Ծառուկյանը: ՀՅԴ խմբակցության ղեկավար Արմեն Ռուստամյանը վստահեցրեց՝ իրենց խմբակցությունը ևս ողջ կազմով միանալու է ստորագրահավաքին:
Հիշեցնենք, որ երեկ ՀՀԿ խմբակցությունը հայտարարել է, որ մայիսի 8-ին կաջակից ԱԺ 1/3-ի կողմից առաջադրված թեկնածուին դառնալ վարչապետ: Այսօր ԱԺ փոխնախագահ Էդուարդ Շարմազանովը տեղեկացրեց՝ թեև ինքն անձամբ դեմ է քվեարկելու Փաշինյանի թեկնածությանը, բայց խմբակցությունն, ինչպես հայտարարվել է, կաջակցի Փաշինյանին դառնալ վարչապետ:
