08.06.2026 | 17:24
Հայաստանի շնորհապետական կուսակցությունը ընտրությունները ոչ լեգիտիմ է համարում
Գաղտնի՞ք է, որ սողանքավտանգ տարածքներում շինթույլտվություն չեն տալիս․ Երևանի ավագանու անդամ․ ՏԵՍԱՆՅՈՒԹ
Քաղաքականություն
24.05.2022 | 13:50
Հենապատի փլուզման պատճառով Ծիծեռնակաբերդի խճուղին փակվել է, ինչի հետևանքով Երևանում առաջացել է տրանսպորտային կոլապս. այսօր Երևանի ավագանու հերթական նիստում այս խնդրին անդադարաձավ Երևանի ավագանու «Իմ քայլը» խմբակցության անդամ Էռնեստ Ավանեսովը:
Նա ընթերցեց Երևանի քաղաքապետ Հրաչյա Սարգսյանի՝ 56 րոպե առաջ կատարած ֆեյսբուքյան գրառումը, որտեղ նշված է. «Ծիծեռնակաբերդի խճուղում մեկնարկել են փլուզված հատվածի վերակառուցման աշխատանքները: Փլվածքի ողջ երկայնքով ճանապարհը կվերակառուցվի, կիրականացվեն ամրացման աշխատանքներ: Ծրագրի շրջանակում կվերակառուցվեն նաև գործող բոլոր ստորգետնյա հաղորդուղիներն ու հեղեղատար համակարգը: Պայմանավորվածություն է ձեռք բերվել աշխատանքները կազմակերպել եռահերթ՝ նաև գիշերային ժամերին, որպեսզի կարճ ժամանակահատվածում գործընթացն ավարտվի և ճանապարհի երկկողմանի երթևեկությունը բացվի»:
Ավագանու անդամի դիտարկմամբ՝ անհրաժեշտ է անդրադառնալ հենապատի փլուզման պատճառներին, քանի որ «շինհրապարակներում կատարյալ անտերություն է տիրում»:
«Ո՞ւմ պատասխանատվության տակ է շինհրապարակներում անվտանգության կանոնների պահպանման հարցը: Ո՞վ է շինթույլտվություն տվել այն հատվածում, որը սողանքավտանգ հատված է… Գաղտնի՞ք է, որ սողանքավտանգ տարածքներում շինթույլտվություն չեն տալիս: Ինչպե՞ս է դա տրվել: Հիմա չանդրադառնանք այս խնդիրներին և միանգամից անցնենք հետևանքների վերացմա՞նը: Ինչո՞վ ենք ապահովագրված, որ անարդյունավետ աշխատանքի հետևանքով նորից այսպիսի հետևանքներ չեն լինի»,- այս հարցրերը բարձրաձայնեց Ավանեսովը:
Մանրամասները՝ տեսանյութում:
