16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
«Սարկազմը պահե՛ք Ձեզ», «Ավագանու լիազորությունների շրջանակում մնացե՛ք»․ վիճաբանություն ավագանու նիստին․ ՏԵՍԱՆՅՈՒԹ
Քաղաքականություն
24.05.2022 | 11:55
Մեկնարկել է Երևանի ավագանու հերթական նիստը։ Նիստի ընթացքում վիճաբանություն տեղի ունեցավ փոխքաղաքապետի ու ավագանու անդամների միջև։
Նիստը վարող փոխքաղաքապետ Լևոն Հովհաննիսյանն առաջարկեց հաստատել նիստի օրակարգը, որում ընդգրկված է 25 հարց:
Մինչ նիստի օրակարգը հաստատելը Երևանի ավագանու «Ւմ քայլը» խմբակցության անդամ Էռնեստ Ավանեսովն առաջարկեց անդրադառնալ Երևանի օրակարգին վերաբերող կարևոր հարցի՝ նշելով. «Ծիծեռնակաբերդի խճուղում առաջացել է կոլապս 50 մ հենապատի փլուզման հետևանքով. մեղավորներ կա՞ն, թե՞ չկան, 2020թ. շինթույլտվության արդյունքում է այս ամեն ինչը տեղի ունեցել: Մեր քաղաքում պատասխանատու գոյություն ունի՞ այսպիսի խնդիրների ժամանակ. Ծիծեռնակաբերդի խճուղու փակ լինելու հետևանքով ամբողջ քաղաքի երթևեկությունը կոլապսի է ենթարկվել»:
«Շնորհակալություն, որ տեղեկացրիք այդ մասին, իհարկե տեղյակ ենք»,- արձագանքեց Լևոն Հովհաննիսյանը՝ հավելելով, որ այդ հարցին կանդրառանա հարցուպատասխանի ժամանակ:
«Ձեր սարկազմը պահե՛ք Ձեզ», – ասաց Ավանեսովը:
Փոխքաղաքապետը հորդորեց. «Ավագանու լիազորությունների շրջանակում մնացե՛ք»:․
«Լույս» խմբակցության անդամ Անի Խաչատրյանն էլ փոխքաղաքապետին հորդորեց լարվածության մթնոլորտ չստեղծել:
Մանրամասները՝ տեսանյութում:
