20.11.2024 | 11:27
Թմրանյութի հետ կապ չունեմ, եթե որոշեմ թեստ հանձնել, կանեմ առանց որևէ մեկի հրահանգի․ Կարեն Սարուխանյան
Գլուխներդ պատին կտաք․ Վահագն Ալեքսանյանը՝ ընդդիմադիր պատգամավորներին․ ՏԵՍԱՆՅՈՒԹ
Քաղաքականություն
19.05.2022 | 12:04
«Մենք այսօր Ազգային ժողովի դահլիճում քննարկում ենք այն օրենքը, որի դեմ պայքարի շրջանակներում խորհրդարանի դահլիճի աջ թևում նստած պատգամավորները ելել են փողոց և իրենց գերթանկարժեք ավտոմեքենաներով որոշել են փակել ձեր փողոցները»,- ԱԺ արտահերթ նիստում հայտարարեց «Քաղաքացիական պայմանագիր» խմբակցության պատգամավոր Վահագն Ալեքսանյանը և հիշեցրեց, որ այս պահի դրությամբ ապօրինի գույքի բռնագանձման շրջանակներում հարուցվել է 300 գործ, որոնցից միայն 9-ով վնասը գնահատվում է 43 միլիարդ դրամ։
«Ու բնական է, որ էս մարդիկ պիտի պայքարեն իրենց ունեցվածքի պահպանման համար։ Բնական է նաև, որ դա չպիտի անեն ուղիղ տեքստով, պիտի դա փորձեն քողարկել, օրինակ, Արցախի դրոշի հետևում:
Սակայն, օրինակ, պատգամավոր Աննա Մկրտչյանը, որը տենդագին կերպով փողոցներում փորձում էր ոստիկաններին գրկել, ծառս լինել նրանց վրա, կարծում եմ Արցախը փրկելուց առաջ լավ կաներ իր հորը հորդորեր, որպեսզի Քասախը փրկեին: Պարզվում է՝ Քասախ գյուղի գրեթե բոլոր հողակտորները կա՛մ Աննա Մկրտչյանի անունով են, կա՛մ իր եղբոր, կա՛մ էլ ընտանիքի այլ անդամի:
Վահե Հակոբյանը Իշխան Սաղաթելյանի հետ իրեն թույլ է տալիս ՀՀ ոստիկանների վրա մուննաթ գալ, հայհոյել, ասել՝ ձեզ վրա մատ թափ կտամ: Ես էլ այստեղից ձեզ ասում եմ՝ գլուխներդ պատին կտաք, պարոնա՛յք պատգամավորներ, էն որ դուք անձեռնմխելիություն ունեք, դա չի նշանակում, որ բարոյական սահմաններ էլ չպետք է ունենաք, ու եթե դուրս եք եկել ձեր թալանի համար պայքարելու, բարի եղեք այդ ամեն ինչն անել բարեկրթության սահմաններում»,- նշեց Ալեքսանյանը:
Մանրամասները՝ տեսանյութում:
