«ՀՀ վարչապետի ընտրությունը տապալվեց. ի՞նչ տրամաբանությամբ կզարգանան քաղաքական գործընթացները» թեմայով քննարկումն՝ ուղիղ

«ՀՀ վարչապետի ընտրությունը տապալվեց. ի՞նչ տրամաբանությամբ կզարգանան քաղաքական գործընթացները» Ազգային ժողովում մայիսի 1-ին ընդդիմության առաջնորդ Նիկոլ Փաշինյանը ձայների 45 կողմ եւ 56 դեմ բաշխվածությամբ չընտրվեց ՀՀ վարչապետ:
Դեմ քվեարկեցին իշխող Հանրապետական կուսակցության խմբակցության պատգամավորները: Կողմ հանդես եկան ընդդիմադիր «Ելք», «Ծառուկյան» դաշինքների եւ Հայ հեղափոխական դաշնակցության խմբակցությունների պատգամավորները:
ՀՀԿ խմբակցության անդամ միակ պատգամավորը, որ կողմ է քվեարկել Նիկոլ Փաշինյանի օգտին, Շիրակի նախկին մարզպետ Ֆելիքս Ցոլակյանն է: ԱԺ խոսնակ Արա Բաբլոյանը հայտարարեց, որ ՀՀ-ի վարչապետի հարցով մյուս քննարկումը տեղի կունենա 7 օր անց Ազգային ժողովում: Համաձայն Սահմանադրության, վարչապետի թեկնածությունը երկրորդ անգամ չհաստատելու պարագայում Ազգային ժողովը պետք է ցրվի եւ անցկացվեն արտահերթ ընտրություններ:
Նիկոլ Փաշինյանն ԱԺ-ում տեղի ունեցած քվեարկությունից հետո Հանրապետության հրապարակում բազմահազարանոց հանրահավաքի ժամանակ հայտարարեց զանգվածային քաղաքացիական անհնազանդության գործողություների շարունակության մասին: Ի՞նչ տրամաբանությամբ կզարգանան Հայաստանում քաղաքական գործընթացները, ինչպե՞ս կարելի է գնահատել ՀՀԿ խմբակցության դիրքորոշումը, կտապալի արդյոք երկրորդ անգամ իշխող կուսակցությունը վարչապետի ընտրությունը, ՀՀԿ-ն պատրաստվում է արտահերթ ընտրությունների՞: Այս հարցերին հանգամանորեն կանդրադառնանք մայիսի 2-ին ժամը 12:00-ին «Հոդված 3» ակումբում նախատեսված «ՀՀ վարչապետի ընտրությունը տապալվեց. ի՞նչ տրամաբանությամբ կզարգանան քաղաքական գործընթացները» թեմայով քննարկմանը:
Բանախոսներն են.

ԱՎԵՏԻՔ ԻՇԽԱՆՅԱՆ, Հայաստանի Հելսինկյան կոմիտեի նախագահՙ

ԼԵՎՈՆ ԲԱՐՍԵՂՅԱՆ, Ժուռնալիստների «Ասպարեզ» ակումբի խորհրդի նախագահՙ

ԱՐՄԵՆ ԲԱՂԴԱՍԱՐՅԱՆ, քաղաքական մեկնաբան;