06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ասում էին՝ օր ու արև չեն տալու մեզ․ այս օրենքի շահառուներից շատերը դրսում են․ Արփի Դավոյան․ ՏԵՍԱՆՅՈՒԹ
Քաղաքականություն
18.05.2022 | 13:33
ՀՀ ազգային ժողովի պետաիրավական հարցերի մշտական հանձնաժողովում քննարկվում է կառավարության ներկայացրած «Ապօրինի ծագում ունեցող գույքի բռնագանձման մասին» օրենքում փոփոխություններ և լրացումներ կատարելու մասին օրենքի նախագծին: Այն հանձնաժողովի նիստում ներկայացրեց ՀՀ գլխավոր դատախազի տեղակալ Սրբուհի Գալյանը:
Նախագծով նախ առաջարկվում է ընդլայնել օրենքում գործածվող «պաշտոնատար անձ» հասկացությունը, և բացի հանրային պաշտոն զբաղեցնող անձանցից այդ հասկացության շրջանակում ներառել նաև այն անձանց, որոնք ունեն հայտարարագիր ներկայացնելու պարտականություն՝ Հանրային ծառայության մասին օրենքի իմաստով:
ԱԺ «քաղաքացիական պայմանագիր» խմբակցության պատգամավոր Արփի Դավոյանը նկատեց, որ քննարկվող օրենքի շահառուներից շատերը այս պահին դրսում են. «Քննարկվող օրինագծի հետ ամենաշատ առնչվող մարդիկ այսօր գտնվում են փողոցում և պայքարում են ինչ-որ անհասկանալի բաների դեմ»:
«Ասում էին, որ գալու են խորհրդարան և օր ու արև չեն տալու մեզ, չեմ հորդորում վերադառնալ, ինձ հետաքրքիր չէ, կվերադառնան, թե ոչ, բայց պետք է այսպիսի օրենքների հետ կապված քննարկումներ անենք և հասկանանք՝ ովքեր են փողոցում և ինչ է կատարվում այնտեղ: Շատ կարևոր օրենք ենք քննարկում և ցավում եմ, որ միայն իշխանութան ներկայացուցիչներն են մասնակցում այս քննարկմանը»,- նշեց պատգամավորը:
Մանրամասները՝ տեսանյութում:
