06.10.2026 | 13:18
Հայաստանը և Cerebras-ը քննարկել են AI ենթակառուցվածքների ոլորտում համագործակցությունը
«Հայրենիքի դավաճան» արտահայտությունը սուտ մատնություն է․ Վլադիմիր Վարդանյանը հորդորեց զգույշ լինել․ ՏԵՍԱՆՅՈՒԹ
Քաղաքականություն
17.05.2022 | 12:56
Խոսքի ազատությունը բացարձակ բնույթ չկրող ազատություն է: Այս մասին ԱԺ պետաիրավական հանձնաժողովի նիստում նշեց «Քաղաքացիական պայմանագիր» խմբակցության պատգամավոր Վլադիմիր Վարդանյանը՝ հավելելով, որ իր այսօրվա հարցազրույցից հետո «արևելաեվրոպական ֆոլկլյորի որոշ անպատասխանատու ներկայացուցիչներ վիրավորական արտահայտություններ են արել, որոնք անպատիժ չպետք է մնան»:
«Մշտապես սատարելով խոսքի իրավունքը՝ ես պաշտպանելու եմ նաև այլ իրավունքներ, մասնավորապես անձնական կյանքի անձեռնմխելիության, անձի արժանապատվության իրավունքները… Ես անպատասխան չեմ թողնելու ո՛չ վիրավորանքը, ո՛չ էլ հանցագործությունների մեջ անհիմն մեղադրանքները: «Հայրենիքի դավաճան» արտահայտությունը բավականին ծանր հանցագործության մեջ մեղադրելու վերաբերյալ սուտ մատնություն է: Սրան պետք է գնահատական տա նաև իրավապահ համակարգը:
Ես երբևիցե չեմ թաքնվել անձեռնմխելիության ներքո և կոչ եմ անում բոլոր խոհեմ հասարակական գործիչներին՝ իրենց արտահայտություններում զգյուշ լինել, հակառակ դեպքում ստիպված կլինենք կիրառել այն գործիքակազմը, որն անհրաժեշտ է և իրավաչափ է ժողովրդավարական հասարակությունում»,- նշեց Վարդանյանը:
Մանրամասները՝ տեսանյութում:
