31.03.2026 | 10:32
Կապանում էլեկտրական շչակներ կփորձարկվեն
Դուք ինձ չհամոզեցիք, պատմությունը յուրաքանչյուրիս կդնի իր տեղը. Էդուարդ Շարմազանով. ՏԵՍԱՆՅՈՒԹ
Քաղաքականություն
01.05.2018 | 16:15
«Այո, ասօր մեր երկրում նոր իրողություններ են և նոր իրավիճակ»,- խորհրդարանում վարչապետի ընտրության հարցի քննարկման ժամանակ հայտարարեց ԱԺ փոխնախագահ Էդուարդ Շարմազանովը: «Միաժամանակ, հարկ եմ համարում ասել, որ այս օրերին իշխանությունը ցուցաբերել է բացառիկ հանդուրժողականություն, զսպվածություն և հասարակությանը մերոնքի և ձերոնքի չբաժանելու քաղաքականություն: Պատմությունն ամեն ինչ ու ամեն մեկիս կդնի իր տեղը: Մենք պատրաստ ենք երկխոսության, բայց ոչ երբեք վերջնագրի: Մենք պարտավոր ենք բոլորս հարգել բազմակարծությունը, իմ համար անըընդունելի է որևէ ճնշման միջոցով ազդել որևէ պատգամավորի կարծիքի վրա: Յուրաքանչյուրս մեր խղճի մտոք կընտրենք մեր վարչապետին՝ կամ կողմ, կամ դեմ քվեարկությամբ»,- ընդգծեց Շարմազանովը:
Շարմազանովը նշեց, որ ընտրում են ոչ թե լավ հռետոր, այլ գործադիրի ղեկավար, որը նախ և առաջ պետք է աչքի ընկնի քաղաքական հստակ գաղափարախոսությամբ ու քաղաքական քայլերի կանխատեսելիությամբ: «Ո՞վ է լինելու ձեր ընտրվելու պարագայում առաջին փոխվարչապետը, պաշտպանության, ֆինանսների նախարարը, ոստիկանապետը, ովքե՞ր: Պատասխան չկա: Ընդամենը մի քանի ամիս առաջ դուք և «Ելքը» պահանջում էիք դուրս գալ ԵՏՄ-ից, ասօր ասում եք՝ իրողություն է փոխվել: Կներեք, երբ մենք էինք խոսում իրողություն փոխվելու մասին, մեզ մեղադրում էիք ստախոսության մեջ: Կարծում եմ՝ առնվազն արդար չէ: Արցախյան հիմնահարցում որևէ հայեցակարգ չներկայացրեցիք, ինչպե՞ս եք բանակցելու, գնալու եք փոխզիջումների՞, թե՞ ոչ»,- շեշտեց ԱԺ փոխնախագահը:
Մանրամասները՝ տեսանյութում:
